QazUÝ ǵalymdary Shanhai jármeńkesine qatysýda
Aita keterligi, halyqaralyq kórme Shanhai qalasynda ár kúzde ótkiziledi jáne onyń negizgi baǵyty kópshilikke brendtik óndiristik jabdyqtardy tanystyrý bolyp tabylady. Kórmege 3000-ǵa jýyq kompaniia men uiymdar, onyń ishinde álemniń 100 ýniversiteti qatysty.
Ál-Farabi atyndaǵy QazUÝ Ǵylym jáne innovatsiia departamentiniń direktory Joldas Bóribaev atap ótkendei, CIIF halyqaralyq ónerkásip jármeńkesi iri kórmelerdiń biri, sondai-aq Qytaidaǵy ekonomikalyq jáne saýda almasý men yntymaqtastyq úshin mańyzdy alań bolyp tabylady.
- Ýniversitetter úshin arnaiy kórme aimaǵy bólindi. Búgingi tańda mundai salalyq jármeńkeler ýniversitetter ózderiniń ǵylymi-tehnikalyq innovatsiialyq jobalaryn kórsete alatyn jáne tájiribe almasatyn eń yqpaldy alańdardyń birine ainaldy, - dedi.
Is-shara barysynda Ál-Farabi atyndaǵy QazUÝ Shanhai ýniversitetiniń Hi-Tech Park tehnoparkimen yntymaqtastyq týraly memorandýmǵa qol qoidy. Qol qoiylǵan qujat tájiribe men bilimmen, aqparatpen jáne resýrstarmen almasýdy, quzyrettilikti damytýdy, jańa tehnologiialyq sheshimderdi ázirlep, ony kommertsiialandyrý maqsatynda birlesken jobalar qurýdy kózdeidi.
Jármeńke 23 qyrkúiekke deiin jalǵasady.
Ál-Farabi atyndaǵy QazUÝ-dyń Baspasóz qyzmeti
