ايتا كەتەرلىگى، حالىقارالىق كورمە شانحاي قالاسىندا ءار كۇزدە وتكىزىلەدى جانە ونىڭ نەگىزگى باعىتى كوپشىلىككە برەندتىك وندىرىستىك جابدىقتاردى تانىستىرۋ بولىپ تابىلادى. كورمەگە 3000-عا جۋىق كومپانيا مەن ۇيىمدار، ونىڭ ىشىندە الەمنىڭ 100 ۋنيۆەرسيتەتى قاتىستى.
ءال-فارابي اتىنداعى قازۇۋ عىلىم جانە يننوۆاسيا دەپارتامەنتىنىڭ ديرەكتورى جولداس بورىبايەۆ اتاپ وتكەندەي، CIIF حالىقارالىق ونەركاسىپ جارمەڭكەسى ءىرى كورمەلەردىڭ ءبىرى، سونداي-اق قىتايداعى ەكونوميكالىق جانە ساۋدا الماسۋ مەن ىنتىماقتاستىق ءۇشىن ماڭىزدى الاڭ بولىپ تابىلادى.
- ۋنيۆەرسيتەتتەر ءۇشىن ارنايى كورمە ايماعى ءبولىندى. بۇگىنگى تاڭدا مۇنداي سالالىق جارمەڭكەلەر ۋنيۆەرسيتەتتەر وزدەرىنىڭ عىلىمي-تەحنيكالىق يننوۆاسيالىق جوبالارىن كورسەتە الاتىن جانە تاجىريبە الماساتىن ەڭ ىقپالدى الاڭداردىڭ بىرىنە اينالدى، - دەدى.
ءىس-شارا بارىسىندا ءال-فارابي اتىنداعى قازۇۋ شانحاي ۋنيۆەرسيتەتىنىڭ Hi-Tech Park تەحنوپاركىمەن ىنتىماقتاستىق تۋرالى مەموراندۋمعا قول قويدى. قول قويىلعان قۇجات تاجىريبە مەن بىلىممەن، اقپاراتپەن جانە رەسۋرستارمەن الماسۋدى، قۇزىرەتتىلىكتى دامىتۋدى، جاڭا تەحنولوگيالىق شەشىمدەردى ازىرلەپ، ونى كوممەرسيالاندىرۋ ماقساتىندا بىرلەسكەن جوبالار قۇرۋدى كوزدەيدى.
جارمەڭكە 23 قىركۇيەككە دەيىن جالعاسادى.
ءال-فارابي اتىنداعى قازۇۋ-دىڭ باسپا ءسوز قىزمەتى
