Baǵdarlama Turaqty damý maqsattarymen (TDM) baılanysty jáne Batys Qazaqstan óńirindegi strategıalyq mańyzdy mindetterdi sheshýge baǵyttalǵan. Joba úsh jyl ishinde júzege asyrylady. Osy kezeńde ǵalymdar aımaqtyń turaqty ekologıalyq-áleýmettik-ekonomıkalyq damýy, ekologıa, sý resýrstaryn, janýarlar men ósimdikter álemin saqtaý jáne basqarý máselelerinde sheshim joldaryn tabýy kerek. Sondaı-aq jobaǵa qatysýshylar topyraqtyń quramy men sapasyna taldaý júrgizip, tehnogendik buzylýlardan, sý obektileriniń taıazdanýynan, atmosferalyq aýanyń munaı ónimderimen jáne ýly hımıkattarmen lastanýynan týyndaǵan topyraq jamylǵysynyń tozý deńgeıin anyqtaýy tıis.
Ǵylymı jobanyń jetekshisi, geografıa ǵylymynyń doktory Máýlken Aqyshqyzy Asqarovanyń aıtýynsha, baǵdarlama óte aýqymdy jáne zertteýler Mańǵystaý, Atyraý, Batys Qazaqstan jáne Aqtóbe oblystarynda júrgiziletin bolady. «Óńirdegi ekonomıkalyq qyzmet nátıjesinde erozıalyq prosesterdiń, jaıylymdyq depressıa men shóleıttený problemalarynyń baryn anyqtaý úshin zertteýler josparlanýda. Baǵdarlamanyń maqsaty Batys Qazaqstan óńiriniń tabıǵı-sharýashylyq jáne áleýmettik-ekonomıkalyq júıeleriniń turaqty damýyn (ÝR) qamtamasyz etý boıynsha keshendi zertteýler júrgizý bolyp tabylady», – dedi M.Asqarova.
Baǵdarlama oryndaýshylary: «Ál-Farabı atyndaǵy Qazaq ulttyq ýnıversıteti» KeAQ, «Geografıa jáne sý qaýipsizdigi ınstıtýty» AQ, «Ý.M.Ahmedsafın atyndaǵy Gıdrogeologıa jáne geoekologıa ınstıtýty» JSHS, «Ó.O.Ospanov atyndaǵy Qazaq topyraqtaný jáne agrohımıa ǵylymı-zertteý ınstıtýty» JSHS, «Balyq sharýashylyǵynyń ǵylymı-óndiristik ortalyǵy» JSHS, «Sh.Esenov atyndaǵy Kaspıı memlekettik tehnologıalar jáne ınjınırıń ýnıversıteti» KeAQ, «Mahambet Ótemisov atyndaǵy Batys Qazaqstan ýnıversıteti» KeAQ, QR EBJM OSHJDK «Botanıka jáne fıtoıntrodýksıa ınstıtýty» SHJQ RMK, QR ǴJBM ǴK «Ekonomıka ınstıtýty» SHJQ RMK.
Joba qatysýshylary qordalanǵan máselelerdi zerdeleý úshin sheshimder usynyp, sapaly zertteýdiń zamanaýı ádisterin qoldanatyn bolady.
Ál-Farabı atyndaǵy QazUÝ-dyń Baspasóz qyzmeti
