باعدارلاما تۇراقتى دامۋ ماقساتتارىمەن (تدم) بايلانىستى جانە باتىس قازاقستان وڭىرىندەگى ستراتەگيالىق ماڭىزدى مىندەتتەردى شەشۋگە باعىتتالعان. جوبا ءۇش جىل ىشىندە جۇزەگە اسىرىلادى. وسى كەزەڭدە عالىمدار ايماقتىڭ تۇراقتى ەكولوگيالىق-الەۋمەتتىك-ەكونوميكالىق دامۋى، ەكولوگيا، سۋ رەسۋرستارىن، جانۋارلار مەن وسىمدىكتەر الەمىن ساقتاۋ جانە باسقارۋ ماسەلەلەرىندە شەشىم جولدارىن تابۋى كەرەك. سونداي-اق جوباعا قاتىسۋشىلار توپىراقتىڭ قۇرامى مەن ساپاسىنا تالداۋ جۇرگىزىپ، تەحنوگەندىك بۇزىلۋلاردان، سۋ وبەكتىلەرىنىڭ تايازدانۋىنان، اتموسفەرالىق اۋانىڭ مۇناي ونىمدەرىمەن جانە ۋلى حيميكاتتارمەن لاستانۋىنان تۋىنداعان توپىراق جامىلعىسىنىڭ توزۋ دەڭگەيىن انىقتاۋى ءتيىس.
عىلىمي جوبانىڭ جەتەكشىسى، گەوگرافيا عىلىمىنىڭ دوكتورى ماۋلكەن اقىش قىزى اسقاروۆانىڭ ايتۋىنشا، باعدارلاما وتە اۋقىمدى جانە زەرتتەۋلەر ماڭعىستاۋ، اتىراۋ، باتىس قازاقستان جانە اقتوبە وبلىستارىندا جۇرگىزىلەتىن بولادى. «وڭىردەگى ەكونوميكالىق قىزمەت ناتيجەسىندە ەروزيالىق پروسەستەردىڭ، جايىلىمدىق دەپرەسسيا مەن شولەيتتەنۋ پروبلەمالارىنىڭ بارىن انىقتاۋ ءۇشىن زەرتتەۋلەر جوسپارلانۋدا. باعدارلامانىڭ ماقساتى باتىس قازاقستان ءوڭىرىنىڭ تابيعي-شارۋاشىلىق جانە الەۋمەتتىك-ەكونوميكالىق جۇيەلەرىنىڭ تۇراقتى دامۋىن (ۋر) قامتاماسىز ەتۋ بويىنشا كەشەندى زەرتتەۋلەر جۇرگىزۋ بولىپ تابىلادى»، – دەدى م.اسقاروۆا.
باعدارلاما ورىنداۋشىلارى: «ءال-فارابي اتىنداعى قازاق ۇلتتىق ۋنيۆەرسيتەتى» كەاق، «گەوگرافيا جانە سۋ قاۋىپسىزدىگى ينستيتۋتى» اق، «ۋ.م.احمەدسافين اتىنداعى گيدروگەولوگيا جانە گەوەكولوگيا ينستيتۋتى» ج ش س، «ءو.و.وسپانوۆ اتىنداعى قازاق توپىراقتانۋ جانە اگروحيميا عىلىمي-زەرتتەۋ ينستيتۋتى» ج ش س، «بالىق شارۋاشىلىعىنىڭ عىلىمي-وندىرىستىك ورتالىعى» ج ش س، «ش.ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتى» كەاق، «ماحامبەت وتەمىسوۆ اتىنداعى باتىس قازاقستان ۋنيۆەرسيتەتى» كەاق، ق ر ەبجم وشجدك «بوتانيكا جانە فيتوينترودۋكسيا ينستيتۋتى» شجق رمك، ق ر عجبم عك «ەكونوميكا ينستيتۋتى» شجق رمك.
جوبا قاتىسۋشىلارى قوردالانعان ماسەلەلەردى زەردەلەۋ ءۇشىن شەشىمدەر ۇسىنىپ، ساپالى زەرتتەۋدىڭ زاماناۋي ادىستەرىن قولداناتىن بولادى.
ءال-فارابي اتىنداعى قازۇۋ-دىڭ باسپا ءسوز قىزمەتى
