Ál-Farabi atyndaǵy Qazaq ulttyq ýniversitetinde ushqyshsyz aviatsiiany damytýǵa arnalǵan innovatsiialyq ortalyq ashyldy, dep habarlaidy Dala News.
Jańa ortalyq QazUÝ men «Aerial Solutions» kompaniiasynyń birlesken jobasy aiasynda iske qosyldy. Munda otandyq dron úlgilerin ázirleý, oqý-óndiristik zerthanalar qurý, synaq poligonyn iske qosý, sondai-aq dýaldy bilim berý men sertifikattaý baǵdarlamalaryn engizý josparlanǵan.
Ashylý saltanatynda sóz sóilegen QazUÝ rektory Janseiit Túimebaev bul bastamanyń eldiń tehnologiialyq damýy úshin mańyzy zor ekenin atap ótti.
«Prezident Qasym-Jomart Toqaev jasandy intellekt pen tsifrlyq tehnologiialardy damytý básekege qabilettiligimizdiń negizgi sharty ekenin aitqan edi. Bul ortalyq zamanaýi drondar jasap, qurastyratyn, bilikti mamandar daiarlaityn mańyzdy alańǵa ainalady. Munda jasalǵan tehnologiialar ekonomikanyń túrli salasynda tiimdi qoldanylatyn bolady»,- dedi ol.
Qorǵanys ministrligi ókilderi de jańa ortalyqtyń eldiń áýe keńistigin damytýǵa jáne qaýipsizdik salasyna úles qosatynyna senim bildirdi.
Joba Qazaqstannyń azamattyq ushqyshsyz aviatsiia salasyn damytýǵa, tsifrlyq infraqurylymdy nyǵaitýǵa jáne otandyq tehnologiialardy jańa deńgeige shyǵarýǵa baǵyttalǵan.
