QazUÝ-diń ǵylymi-tehnologiialyq alqapty qurý jobasyna Saýd Arabiiasy qatysady
Sapar barysynda Saýd Arabiiasynyń ǵylym jáne innovatsiia ministriniń orynbasary QazUÝ-dyń ǵylymi-bilim berý jáne innovatsiialyq qyzmeti, ǵylymi jobalary, ortalyqtary jáne zerthanalarymen tanysty. Nasser Muhammed ál-Akil ýniversitet infraqurylymynyń aýqymdylyǵy men damýyn erekshe atap ótti. Onyń pikirinshe, bul ásirese joǵary tehnologiialar salasynda zamanaýi talaptarǵa sai jáne jáne kásipke ońtaily keledi.
Tehnoparki pen sýperkompiýteri bar zamanaýi halyqaralyq IT-klaster iadrosy bolatyn, jańa tehnologiialar men innovatsiialardy damytý salasynda álem ýniversitetteriniń yntymaqtastyǵynyń jańa platformasy –ál-Farabi ǵylymi-tehnologiialyq alqabyn qurý jobasy qonaqtardyń úlken qyzyǵýshylyǵyn týdyrdy. Ministrdiń orynbasary ony júzege asyrýǵa Saýd Arabiiasynyń ýniversitetterin, sondai-aq ǵylymi-tehnologiialyq alqap infraqurylymyn damytý men zertteý jobalaryn qarjylandyrý úshin investorlardy tartýǵa daiyn ekendikterin aitty.
Eki jaqty múddelilikti eskere otyryp, taraptar kollaboratsiia baǵyttaryn tyńǵylyqty talqylaý úshin QazUÝ jáne Saýd Koroldigi ýniversitetiniń mamandary men ǵalymdarynan jumys tobyn qurdy. Jaqyn arada ǵaryshtyq tehnologiialar, IT jáne biotehnologiia, himiia jáne fizika, nanotehnologiialar jáne basqa salalardaǵy jobalardy iske asyrý boiynsha birlesken zertteý ortalyqtaryn qurý jospary belgilendi.
Elbasy men QR Prezidenti qoldaýyna ie bolǵan ál-Farabi ǵylymi-tehnologiialyq alqabynyń jobasy ǵylymi ázirlemelerdi kommertsiialandyrýǵa jáne olardy ekonomikanyń naqty sektoryna engizýge baǵyttalǵan ulttyq innovatsiialyq júieniń biregei ósý núktesi bolmaq.
