Dástúrli mereke birinshi kýrs stýdentteriniń sherýinen bastaldy. Ýniversitet tabaldyryǵyn jańadan attaǵan jastar alańda ásem án qushaǵynda sherýletti. Keiin saltanatty sharaǵa jinalǵan 5000 adam Ánurandy jandy daýysta oryndady.
Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev birinshi kýrs stýdentteri men qonaqtarǵa arnap quttyqtaý sóz sóiledi. Jastardy ómirdegi aitýly kúnmen quttyqtai otyryp, ýniversitettiń qazirgi jetistikterimen bólisti.
Búgingi tańda QazUÝ álemdik reitingtegi kóshbasshy oqý oryndarynyń qataryna kiredi. QR Prezidenti Qasym-Jomart Toqaev biyl alǵash ret ýniversitetke kelip, oqytýshylarmen jáne bilim alýshy jastarmen kezdesip, ýniversitetti damytý jóninde birqatar tapsyrmalar berdi. Biyl Ál-Farabi atyndaǵy Qazaq ulttyq ýniversiteti QS WUR álemdik reitinginde 150-orynǵa kóterildi.
Ýniversitette 25 myńǵa jýyq stýdent oqidy, olardyń 2,5 myńǵa jýyǵy álemniń 50 elinen kelgen sheteldik stýdentter. Jańa oqý jylynda QazUÝ-ǵa 7690 stýdent qabyldandy. Memlekettik grantty 5156 talapker utyp alsa, aqyly bólimge 2534 stýdent oqýǵa tústi. Olardyń ishinde 672 "Altyn belgi" iegeri, 619 "Úzdik attestat" iegeri, 12 ǵylymi joba jeńimpazy, 69 halyqaralyq jáne respýblikalyq olimpiadalardyń júldegerleri bar.
JOO basshysy óz sózinde: «Ýniversitettegi fakýltetter, kafedralar, ǵylymi-zertteý institýttary, innovatsiialyq zerthanalar men ǵylymi ortalyqtardyń barlyǵy sizderdiń tolyqqandy bilim alýlaryńyzǵa qyzmet etedi. Ótken jyldan beri jataqhanalar men oqý korpýstary kúrdeli jóndeýden ótti. Bul jumystar biyl da jalǵasýda. Aldaǵy ýaqytta jańa jataqhana salý josparda bar. Osy igilikterdi durys paidalanyńyzdar. Ǵylymdy igerip, bilikti maman bolyńyzdar», – dep stýdentterge úndeý tastady.
Biylǵy saltanatty rásim formaty dástúrli kilt berýden ózgeshe, jańa tehnologiialardy paidalana otyryp júzege asty. Birinshi kýrs stýdentteri sahnadan derbes QR-kodyn skanerlep, erekshe sátke atsalysty.
Merekede QazUÝ-dyń talantty, kreativti jastary da óz ónerlerin pash etti. Himiia jáne himiialyq tehnologiialar, biologiia jáne biotehnologiialar fakýltetteriniń stýdentteri ýniversitet ǵalymdarynyń ǵylymi jańalyqtarynyń tusaýkeserin ótkizdi. Kórermender «QazUÝ stýdentteriniń sporttyq jetistikteri» kompozitsiiasyn jáne «Chempion» ánin qoshemetpen qarsy aldy, onyń aiasynda JOO sportshylaryna – halyqaralyq jáne ulttyq jarystardyń jeńimpazdaryna kýboktar tabys etildi. Qyzdar kvarteti «Qazaq, qyrǵyz - bir týǵan» ánin áýelete shyrqady.
Sondai-aq keshte «Farabi qyzdary», RAIM toby sahnada án shyrqap, kórermenderdiń qoshemetine bólendi. Jastar uiymdarynyń komiteti túrli tústi fleshmob daiyndady. Stýdentter merekesi fantastikalyq lazerlik shoý men bi keshine ulasty.
