Bul teńdesi joq joba ǵulama ál-Farabidiń adamzat úshin eń basty dep sanaǵan qundylyqtary: meiirimdilik, parasattylyq, adaldyq jáne ádildik týraly eske salý úshin eldegi igi ister estafetasyn iske qosty.
Chellendjge kez kelgen adam qatysa alady. Ol úshin áleýmettik jelilerde qaiyrymdy is-áreketter, qaiyrymdy jáne izgi ister týraly post, fotosýretter nemese videorolik jariialaý jetkilikti. Chellendjdiń uiymdastyrýshylary estafetany jalǵastyrýdy jáne ony #AlFarabiQQ heshtegimen súiemeldeýdi usynady.
«Ál-Farabi «Baqyttyń máni – parasattylyqta, árkimniń óz aldynda igilikti maqsat qoia bilýinde... adamnyń óz minez-qulqyn, is-áreketin erikti túrde ózgertip, igilikke baǵyttap otyrýynda», – degen bolatyn. Árbir adamnyń jaqsylyq jasaýǵa, ózin jáne ainalasyndaǵylardy baqytty etýge bar kúsh-jigeri jetedi. Eger biz árqaisymyz óz-ózimizdi jetildirýge jáne jaqsy is-áreketter jasaýǵa umtylsaq, barshamyz birge Qazaqstandy qýatty ult pen jaýapty adamdardan turatyn - tabysty, qaiyrymdy elge ainaldyramyz», – deidi flesh-mobqa qatysqan ekinshi kýrs stýdenti Hasan Nursat.
Joba jastar arasynda volonterlik qozǵalysty damytýǵa, áleýmettik yntymaqtastyqty nyǵaitýǵa jáne tek jahandyq ǵana emes, sonymen qatar jergilikti qoǵamdastyq máselelerin de sheshý boiynsha bastamashylyq toptardy uiymdastyrýǵa, naqty adamdarǵa kómek kórsetýge baǵyttalǵan. Chellendj mediakeńistikte oń kózqaras kórsetýge jáne bir-birine meiirimdilik pen janashyrlyq tanyta otyryp, qiyn qystaý jaǵdaiǵa tap bolǵan adamdardyń ómirine bei-jai qaramai, bir-birine kómektesý arqyly, naqty is-áreketter jasaýdyń mańyzdy ekenin eske túsirýge múmkindik beredi.
