Is-sharany QazUÝ-diń filologiia fakýltetiniń qazaq ádebieti jáne ádebiet teoriiasy kafedrasy IýNESKO-nyń qoldaýymen «Mádenietterdi jaqyndastyrýdyń halyqaralyq ortalyǵymen» birlesip uiymdastyrdy.
Onlain-konferentsiianyń maqsaty – qazaq dalasynyń uly jyrshysy Jambyl Jabaevtyń shyǵarmashylyǵyn álemdik ádebiet konteksinde qarastyrý jáne onyń jyrlaryn qazirgi ádebi synnyń jetistikteri turǵysynan túsindirý. Konferentsiia aiasynda jambyltanýdy oqytýdyń innovatsiialyq ádisterine erekshe nazar aýdaryldy.
Konferentsiianyń plenarlyq otyrysynyń qatysýshylaryna arnalǵan alǵy sózinde rektor Janseiit Túimebaev:
– Biz uly aqyn Jambyl Jabaevtyń shyǵarmashylyǵyn dáriptep, qurmet bildirýge, jambyltaný jetistikterin taldaý jáne ǵylymi zertteýlerdiń odan ári baǵyttaryn anyqtaý úshin jinaldyq, – dep atap ótti.
Bul jumystarmen Jambyl atyndaǵy Qazaq folklory men ádebietiniń ǵylymi-zertteý ortalyǵy belsendi ainalysady. Qazaq aýyz ádebieti men kórkem ádebietiniń ózekti máseleleriniń qazirgi jaǵdaiy ǵalymdardyń nazaryn aýdaryp otyr. Aldaǵy ýaqytta zertteýler aýqymyn keńeitý, ǵylymi-zertteý jumystaryna, joǵary oqý oryndarynyń bakalavrlaryna, magistranttary men doktoranttaryna arnalǵan monografiialar men oqý quraldaryn jazyp daiyndaýǵa Qazaqstan men shet elderdiń ádebiettanýshy ǵalymdaryn tartý josparlanýda.
Konferentsiiada sóz sóilegen jazýshy, QR mádeniet jáne sport ministrliginiń IýNESKO qoldaýymen «Mádenietterdi jaqyndastyrý ortalyǵy» memlekettik murajaiynyń bas ǵylymi qyzmetkeri Naǵashybek Qapalbekuly Jambyl qazaq aýyz ádebietiniń qaitalanbas tulǵasy ekenin atap ótti. Kezinde kóptegen adamdar onyń fenomeni týraly aitqan bolatyn. Jazýshy Muhtar Maǵaýin: «Uly adamdar kóp, al Jambyl bir, ol qaitalanbas tulǵa», – dep jazǵan. Onyń óleńderi men jyrlary jáne shyǵarmalary búkil álemge taralyp, álemniń 160 tiline aýdarylǵan. Árqashan halyqpen birge bolǵan aqynnyń fenomeni – onyń shyndyqqa negizdelgen shyǵarmalary janǵa qýat beredi. Aqyn ózi týraly, «Jambyl meniń jái atym, halyq meniń shyn atym»,– dep aitqan bolatyn. Ol áigili qyrǵyz aqyny Qulmambetti aitys-alamanynda jeńgennen keiin qazaq jáne qyrǵyz halyqtarynyń bas aqyny bolyp atandy», – dep atap ótti óz sózinde Naǵashybek Qapalbekuly.
Konferentsiiaǵa QazUÝ KEAQ Basqarma tóraǵasy – rektor Janseiit Túimebaev, QazUÝ janyndaǵy Abai ǵylymi-zertteý institýtynyń direktory, filologiia ǵylymdarynyń doktory, professor Janǵara Dadebaev, filologiia ǵylymdarynyń doktory, professor, QR Gýmanitarlyq Ǵylymdar Akademiiasynyń akademigi, Jambyl atyndaǵy Halyqaralyq syilyqtyń laýreaty Temirhan Tebegenov jáne basqa da belgili ǵylym jáne mádeniet qairatkerleri qatysty. Aralas offlain-onlain formatynda ótken májiliske alys jáne jaqyn shetel ǵalymdary: Túrkiia, Resei, Qyrǵyzstan, Ózbekstan jáne otandyq ádebiettanýshylar, zertteýshiler, ǵylymi qyzmetkerler, JOO men mektep oqytýshylary, stýdentter, magistranttar, doktoranttar jáne BAQ ókilderi qatysty.
Konferentsiia «Jambyl Jabaev shyǵarmalarynyń álemdik ádebiettermen úndestigi», «Jambyltaný jáne filologiialyq pánderdi oqytýdyń innovatsiialyq ádistemesi», «Jas ǵalymdardy zertteýdegi jambyltanýdyń búgini men bolashaǵy» atty úsh sektsiiada jumysyn jalǵastyrdy.
Biyl Jambyl Jabaevtyń 20 tomdyq shyǵarmalar jinaǵyn shyǵarý, kinofilm túsirý, birqatar spektaklder qoiý jáne aqynnyń shyǵarmashylyǵyna arnalǵan kóptegen mádeni-kópshilik is-sharalar ótkizý josparlanýda.
