ءىس-شارانى ءقازۇۋ-دىڭ فيلولوگيا فاكۋلتەتىنىڭ قازاق ادەبيەتى جانە ادەبيەت تەورياسى كافەدراسى يۋنەسكو-نىڭ قولداۋىمەن «مادەنيەتتەردى جاقىنداستىرۋدىڭ حالىقارالىق ورتالىعىمەن» بىرلەسىپ ۇيىمداستىردى.
ونلاين-كونفەرەنسيانىڭ ماقساتى – قازاق دالاسىنىڭ ۇلى جىرشىسى جامبىل جابايەۆتىڭ شىعارماشىلىعىن الەمدىك ادەبيەت كونتەكسىندە قاراستىرۋ جانە ونىڭ جىرلارىن قازىرگى ادەبي سىننىڭ جەتىستىكتەرى تۇرعىسىنان ءتۇسىندىرۋ. كونفەرەنسيا اياسىندا جامبىلتانۋدى وقىتۋدىڭ يننوۆاسيالىق ادىستەرىنە ەرەكشە نازار اۋدارىلدى.
كونفەرەنسيانىڭ پلەنارلىق وتىرىسىنىڭ قاتىسۋشىلارىنا ارنالعان العى سوزىندە رەكتور جانسەيىت تۇيمەبايەۆ:
– ءبىز ۇلى اقىن جامبىل جابايەۆتىڭ شىعارماشىلىعىن دارىپتەپ، قۇرمەت بىلدىرۋگە، جامبىلتانۋ جەتىستىكتەرىن تالداۋ جانە عىلىمي زەرتتەۋلەردىڭ ودان ءارى باعىتتارىن انىقتاۋ ءۇشىن جينالدىق، – دەپ اتاپ ءوتتى.
بۇل جۇمىستارمەن جامبىل اتىنداعى قازاق فولكلورى مەن ادەبيەتىنىڭ عىلىمي-زەرتتەۋ ورتالىعى بەلسەندى اينالىسادى. قازاق اۋىز ادەبيەتى مەن كوركەم ادەبيەتىنىڭ وزەكتى ماسەلەلەرىنىڭ قازىرگى جاعدايى عالىمداردىڭ نازارىن اۋدارىپ وتىر. الداعى ۋاقىتتا زەرتتەۋلەر اۋقىمىن كەڭەيتۋ، عىلىمي-زەرتتەۋ جۇمىستارىنا، جوعارى وقۋ ورىندارىنىڭ باكالاۆرلارىنا، ماگيسترانتتارى مەن دوكتورانتتارىنا ارنالعان مونوگرافيالار مەن وقۋ قۇرالدارىن جازىپ دايىنداۋعا قازاقستان مەن شەت ەلدەردىڭ ادەبيەتتانۋشى عالىمدارىن تارتۋ جوسپارلانۋدا.
كونفەرەنسيادا ءسوز سويلەگەن جازۋشى، ق ر مادەنيەت جانە سپورت مينيسترلىگىنىڭ يۋنەسكو قولداۋىمەن «مادەنيەتتەردى جاقىنداستىرۋ ورتالىعى» مەملەكەتتىك مۇراجايىنىڭ باس عىلىمي قىزمەتكەرى ناعاشىبەك قاپالبەك ۇلى جامبىل قازاق اۋىز ادەبيەتىنىڭ قايتالانباس تۇلعاسى ەكەنىن اتاپ ءوتتى. كەزىندە كوپتەگەن ادامدار ونىڭ فەنومەنى تۋرالى ايتقان بولاتىن. جازۋشى مۇحتار ماعاۋين: «ۇلى ادامدار كوپ، ال جامبىل ءبىر، ول قايتالانباس تۇلعا»، – دەپ جازعان. ونىڭ ولەڭدەرى مەن جىرلارى جانە شىعارمالارى بۇكىل الەمگە تارالىپ، الەمنىڭ 160 تىلىنە اۋدارىلعان. ءارقاشان حالىقپەن بىرگە بولعان اقىننىڭ فەنومەنى – ونىڭ شىندىققا نەگىزدەلگەن شىعارمالارى جانعا قۋات بەرەدى. اقىن ءوزى تۋرالى، «جامبىل مەنىڭ ءجاي اتىم، حالىق مەنىڭ شىن اتىم»،– دەپ ايتقان بولاتىن. ول ايگىلى قىرعىز اقىنى قۇلمامبەتتى ايتىس-الامانىندا جەڭگەننەن كەيىن قازاق جانە قىرعىز حالىقتارىنىڭ باس اقىنى بولىپ اتاندى»، – دەپ اتاپ ءوتتى ءوز سوزىندە ناعاشىبەك قاپالبەك ۇلى.
كونفەرەنسياعا قازۇۋ كەاق باسقارما ءتوراعاسى – رەكتور جانسەيىت تۇيمەبايەۆ، قازۇۋ جانىنداعى اباي عىلىمي-زەرتتەۋ ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، پروفەسسور جانعارا دادەبايەۆ، فيلولوگيا عىلىمدارىنىڭ دوكتورى، پروفەسسور، ق ر گۋمانيتارلىق عىلىمدار اكادەمياسىنىڭ اكادەميگى، جامبىل اتىنداعى حالىقارالىق سىيلىقتىڭ لاۋرەاتى تەمىرحان تەبەگەنوۆ جانە باسقا دا بەلگىلى عىلىم جانە مادەنيەت قايراتكەرلەرى قاتىستى. ارالاس وففلاين-ونلاين فورماتىندا وتكەن ماجىلىسكە الىس جانە جاقىن شەتەل عالىمدارى: تۇركيا، رەسەي، قىرعىزستان، وزبەكستان جانە وتاندىق ادەبيەتتانۋشىلار، زەرتتەۋشىلەر، عىلىمي قىزمەتكەرلەر، جوو مەن مەكتەپ وقىتۋشىلارى، ستۋدەنتتەر، ماگيسترانتتار، دوكتورانتتار جانە ب ا ق وكىلدەرى قاتىستى.
كونفەرەنسيا «جامبىل جابايەۆ شىعارمالارىنىڭ الەمدىك ادەبيەتتەرمەن ۇندەستىگى»، «جامبىلتانۋ جانە فيلولوگيالىق پاندەردى وقىتۋدىڭ يننوۆاسيالىق ادىستەمەسى»، «جاس عالىمداردى زەرتتەۋدەگى جامبىلتانۋدىڭ بۇگىنى مەن بولاشاعى» اتتى ءۇش سەكسيادا جۇمىسىن جالعاستىردى.
بيىل جامبىل جابايەۆتىڭ 20 تومدىق شىعارمالار جيناعىن شىعارۋ، كينوفيلم ءتۇسىرۋ، ءبىرقاتار سپەكتاكلدەر قويۋ جانە اقىننىڭ شىعارماشىلىعىنا ارنالعان كوپتەگەن مادەني-كوپشىلىك ءىس-شارالار وتكىزۋ جوسپارلانۋدا.
