Aýqymdy sharaǵa QR Prezidentiniń Keńesshisi Málik Otarbaev, QR Ǵylym jáne joǵary bilim vitse-ministri Darhan Ahmet-Zaki, Almaty qalasyndaǵy QHR Bas konsýly Tszian Vei, Sian Tsziaotýn ýniversitetiniń Prezidenti Van Shýgýo, Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev, QazUÝ Direktorlar keńesiniń tóraǵasy Qairat Mámi, shetel diplomatiialyq ókildikteri men konsýldyq mekeme basshylary, QHR jáne Ortalyq Aziia joǵary oqý oryndarynyń rektorlary, ǵalymdar, oqytýshylar men bilim alýshy jastar qatysty.
QR Prezidenti Qasym-Jomart Toqaevtyń forýmǵa qatysýshylaryna joldaǵan quttyqtaý hatyn Málik Otarbaev oqyp berdi. Quttyqtaý hatta: «Tórtinshi ónerkásiptik revoliýtsiia: Indýstriia men bilim integratsiiasy» forýmy bilim men tájiribe almasýǵa múmkindik beretin akademiialyq álem men óndiris arasyndaǵy kópirge ainalady. Qytai men Ortalyq Aziianyń joǵary oqý oryndary forýmy ónerkásip pen bilim integratsiiasy úshin ózara bailanys qurýǵa, ýniversitetter arasyndaǵy yntymaqtastyqty nyǵaitýǵa jol ashady dep senemin», - delingen.
Óz kezeginde QR Ǵylym jáne joǵary bilim vitse-ministri Darhan Ahmet-Zaki búgingi sharanyń mańyzdylyǵyna toqtaldy.
«Tsifrlyq álem dáýirinde ýniversitetter innovatsiialar men tehnologiialardy damytý men qoldanýda mańyzdy ról atqarady. Bul baǵytta qazaqstandyq joǵary oqý oryndary bilim jáne ǵylymi-innovatsiialyq protseske innovatsiialyq tehnologiialardy engizý boiynsha jumys júrgizýde. QazUÝ-da ótip jatqan forým Qytai jáne Ortalyq Aziia elderiniń joǵary oqý oryndarynyń tyǵyz qarym-qatynas ornaýyna jáne nyǵaiýyna úlken sep bolatyny sózsiz. Sonymen qatar ýniversitetter arasynda oqytýshylar men stýdentter almasýǵa, tájiribemen bólisýge, ǵylymi jobalardy birlesip júzege asyrýǵa múmkindik beredi», - dedi vitse-ministr.
Forýmda Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev sóz sóiledi.
«Búgingi shara ýniversitetter arasyndaǵy bilim jáne ǵylym salasy boiynsha yntymaqtastyqty arttyrýǵa baǵyttalǵan. Ortalyq Aziia elderiniń Qytaimen yntymaqtastyǵyn damytý barysynda «Bir beldeý - bir jol» baǵdarlamasynyń mańyzy zor. Ál-Farabi atyndaǵy QazUÝ BUU-nyń turaqtylyq jónindegi «Akademiialyq yqpal» baǵdarlamasynyń Jahandyq habyn turaqty basqaratyn Qazaqstan Respýblikasynyń jetekshi joǵary oqý oryndarynyń biri bola otyryp, Ystambul jáne Bishkek qalalarynda óz filialdaryn ashty. Jýyrda QazUÝ bazasynda Qytaidyń Soltústik-Batys politehnikalyq ýniversitetiniń filialy ashyldy», - dedi rektor.
Sondai-aq shara barysynda Sian Tsziaotýn ýniversitetiniń Prezidenti Van Shýgýo: «Qazir tehnologiianyń damyǵan ýaqyty. Ǵylym salasy kún saiyn ózgerip, jańa tehnologiialar shyǵyp jatyr. Sol sebepti Qytai jáne Ortalyq Aziia elderindegi joǵary oqý oryndary birlesip, bolyp jatqan ózgeristerdi tez meńgerip, zaman aǵymymen birge júrýimiz qajet. Elderimiz dostyq qarym-qatynasta. Bárimizdiń maqsatymyz bir. Qazirgi tańda bizder ǵylym jáne bilim salasy boiynsha ózgeristerge beiimdelýimiz kerek», - dep óz oiyn ortaǵa saldy.
Sońynda forým qorytyndysy boiynsha «Almaty» Konsensýsyna qol qoiylyp, kelesi tóraǵalyq etýshi JOO anyqtaldy.
