QazUÝ-da Berlin Irishevtiń kitaby tanystyryldy
«Parijdiń sáni men ásemdigi» dep atalǵan onlain sharada Basqarma tóraǵasy – QazUÝ rektory Janseiit Túimebaev, Frantsiianyń Qazaqstandaǵy Tótenshe jáne Ókiletti Elshisi Dide Kaness, saiasattanýshy Dosym Satpaev, belgili qoǵam qairatkerleri, mádeniettanýshylar, oqytýshylar jáne stýdentter qatysty.
Bilim ordasynyń basshysy óz sózinde avtor usynyp otyrǵan kitapta bir ǵana keiipkerdiń taǵdyry emes, HH ǵasyrdaǵy tarihi oqiǵalar kezindegi áielderdiń róli, úlesi qamtylǵanyn atap ótti.
Soǵystan keiingi jyldary joǵary sán álemin baǵyndyrǵan Alla Elshinmen jan-jaqty tanystyrǵan Berlin Irishevke alǵys bildirip, avtordyń qoǵamdyq-saiasi ortadaǵy sińirgen eńbegine toqtaldy.
Berlin Kenjetaiulynyń óz Otanynyń naǵyz patrioty ekenin aita kele, ǵylym jáne joǵary bilim salasynyń damýyna sińirgen eńbegi úshin Ál-Farabi atyndaǵy Qazaq ulttyq ýniversitetiniń Qurmetti professory ataǵy beriletinin jetkizdi. Sondai-aq «Eren eńbegi úshin» medalin tabystady.
Uiymdastyrylǵan sharaǵa rizashylyq bildirgen Berlin Irishev: «Jalpy álemde Sán padishalary týraly ańyz kóp. Biraq halyq tek derekti qujattarǵa ǵana senedi. Biz tarihi málimetterge nazar aýdardyq. Allanyń ómiri týraly faktilerdi jinaý ońai bolǵan joq. Soǵan qaramastan, zertteýdi toqtatpaǵan shyǵarmashylyq top Alla Elshin týraly estelikter men aqparattardy izdep tabýda qyrýar jumystar atqardy» dedi.
Qazaqstandyq diplomat óz kitabynda qazaq-orys tekti sán áleminiń padishasy Alla Elshinniń tańǵajaiyp taǵdyryn sýrettei otyryp, uly frantsýz kiim modeleri Kristian Diorǵa umytylmas erekshe áser qaldyrǵanyn baiandaidy. Avtor alǵash ret Alla Elshinniń ómiri men mansaby týraly sirek kezdesetin aqparat, otbasylyq muraǵattan alynǵan sirek fotomaterialdar, jalǵyz ulynyń estelikteri, halyqaralyq ónertanýshylardyń saraptamalyq pikirleri jáne ákesi Qýanthan Elshinniń qazaq ekenin rastaityn dálelderdi toptastyrǵan.
