Ál-Farabi atyndaǵy Qazaq ulttyq ýniversiteti bazasynda BASF Mining Solutions tehnikalyq qyzmet zerthanasynyń ashylý saltanaty ótti. Bul Ortalyq Aziianyń taý-ken-metallýrgiialyq salasyn damytý aiasynda júzege asyrylyp jatqan aýqymdy ǵylymi joba.
Aitýly sharaǵa Ál-Farabi atyndaǵy QazUÝ-dyń Basqarma múshesi-akademiialyq máseleler boiynsha prorektory Alina Galeeva, «BASF Ortalyq Aziia» JShS bas direktory jáne «Taý-ken ónerkásibine arnalǵan sheshimder» baǵytynyń jetekshisi Rostislav Kamkin, BASF kompaniiasynyń EMEA jáne Ortalyq Aziia aimaǵy boiynsha aimaqtyq biznes-direktory Miliana Spasich, sondai-aq BASF Ortalyq Aziianyń taý-ken-metallýrgiialyq salasyndaǵy klientteri men seriktesteri jáne biznes-qaýymdastyq ókilderi qatysty.
Jańa zerthana mineraldy shikizatty óńdeý jáne gidrometallýrgiia salalarynda qoldanbaly ǵylymi zertteýler júrgizýge, sondai-aq taý-ken óndirisiniń tiimdiligin arttyratyn innovatsiialyq sheshimderdi ázirleýge arnalǵan.
Saltanatty sharada akademiialyq máseleler boiynsha prorektor Alina Galeeva jańa zerthananyń ashylýyn ǵylym men óndiris arasyndaǵy strategiialyq seriktestiktiń naqty kórinisi retinde atap ótti. «Biz BASF kompaniiasyn ýniversitetimizdiń kampýsynda qarsy alýǵa qýanyshtymyz. Bul seriktestik ǵylym men biznesti jaqyndastyryp, stýdentter men zertteýshilerge praktikalyq jáne innovatsiialyq jobalarǵa qatysý múmkindigin beredi. Biz himiia jáne himiialyq tehnologiia fakýltetiniń stýdentteri osy zerthanamen jumys isteý arqyly alǵan bilimderin is júzinde qoldana alady jáne baǵaly tájiribe jinaqtaidy dep senemiz», – dedi prorektor.
Óz sózinde bas direktor Rostislav Kamkin zerthananyń ashylýy kompaniia missiiasynyń mańyzdy bóligi ekenin aitty. «BASF kompaniiasynda biz turaqty bolashaq úshin himiia jasaimyz. Taý-ken ónerkásibine arnalǵan sheshimder baǵyty klienttermen de, akademiialyq qaýymdastyqpen de tyǵyz bailanysta jumys istei otyryp, innovatsiialyq ónimderdi engizýge jáne taý-ken salasyna ózimizdiń tehnikalyq tájiribemizben bólisýge baǵyttalǵan.
Qazaqstanda zerthana ashý – áriptesterimizben yntymaqtastyqty nyǵaitý jáne olarǵa sapaly tehnikalyq qoldaý kórsetý jolyndaǵy mańyzdy qadam. Sonymen qatar, bul – bolashaqta salanyń damýyna úles qosatyn jas mamandardy daiarlaýǵa qosqan ortaq úlesimiz. Bul bizdiń turaqty damý salasyndaǵy missiiamyzǵa tolyqtai sai keledi», – dedi kompaniia jetekshisi.
Mamandardyń aitýynsha, zerthana BASF-tyń flotatsiia men gidrometallýrgiia baǵyttaryndaǵy jahandyq tájiribesine súiene otyryp, ken óndirý salasyndaǵy kompaniialarǵa mineraldardy bólip alý, shyǵyndardy azaitý jáne ekologiialyq qaýipsizdikti qamtamasyz etýge baǵyttalǵan sheshimderdi usynýǵa múmkindik beredi. Lupromin, Luproset, Luprofroth, LIX, Alamine, Aliquat, jáne LixTRA siiaqty himiialyq reagentterdi synaýǵa arnalǵan bul platforma zamanaýi quraldarmen jabdyqtalǵan jáne halyqaralyq standarttarǵa tolyq sáikes keledi.
Sondai-aq BASF Central Asia men QazUÝ arasyndaǵy bul seriktestik aiasynda stýdentter úshin óndiristik tájiribeler uiymdastyrý, birlesken dárister kýrsyn ótkizý, sondai-aq himiia jáne himiialyq tehnologiia fakýlteti ǵalymdarynyń ǵylymi jobalarǵa qatysýy josparlanyp otyr. Bul bastama tek ýniversitetke emes, jalpy óńirlik taý-ken óndirisiniń damýyna oń áser etpek.
Ál-Farabi atyndaǵy QazUÝ-dyń Baspasóz qyzmeti
