Jyl saıyn jarıalanatyn QS Asia University Rankings reıtıńi Azıa ýnıversıtetterin bólip kórsetedi. Olardyń ishinde QazUÝ Beıjiń ýnıversıteti, Sıngapýr ulttyq ýnıversıteti, Koreıa ýnıversıteti sıaqty jáne t.b. álemdik ýnıversıtettermen qatar tur.
Reıtıń ádisnamasynda jahandyq reıtıńtiń negizgi kórsetkishteri saqtalǵan, sonymen qatar osy aımaqtaǵy ýnıversıtetter úshin muqıat tańdalǵan tıimdilik kórsetkishteriniń jıyntyǵy eskeriledi.
QS Asia University Rankings reıtıńin jasaý úshin 11 kórsetkish paıdalanylady: akademıalyq bedel (30%); jumys berýshiler arasyndaǵy bedel (20%); oqytýshylar men stýdentterdiń araqatynasy (10%); halyqaralyq zertteý jelisi (10%); maqalaǵa dáıeksózder sany (10%); oqytýshyǵa maqalalar sany (5%); ǵylymı dárejesi bar oqytýshylar sany (5%); sheteldik oqytýshylardyń úlesi (2,5%), sheteldik stýdentterdiń úlesi (2,5%); kiris akademıalyq utqyrlyq boıynsha stýdentterdiń úlesi (2,5%), shyǵys akademıalyq utqyrlyq boıynsha stýdentterdiń úlesi (2,5%).
Ýnıversıtettiń úzdik nátıjeleri bilim berý prosesin qamtamasyz etý salasynda dál kórsetildi: osy saladaǵy eki negizgi ındıkator boıynsha, onyń ishinde oqytýshylar sanynyń stýdentter sanyna qatynasy jáne ǵylymı dárejesi bar qyzmetkerlerdiń úlesi, ýnıversıtet sáıkesinshe 100-den 99,7 jáne 95,1 bal jınady.
QazUÝ-dyń QS Asia University Rankings reıtıńinde qarqyndy ilgerileýi básekelestiktiń artýy jaǵdaıynda ýnıversıtettiń sońǵy jyldary atqarǵan jumysynyń aıryqsha nátıjelerin aıǵaqtaıdy.
Ál-Farabı atyndaǵy Qazaq ulttyq ýnıversıtetiniń ujymyn jarqyn jeńisimen quttyqtaımyz!
Reıtıń qorytyndylarymen myna silteme boıynsha tanysýǵa bolady: https://www.topuniversities.com/asia-university-rankings
Ál-Farabı atyndaǵy QazUÝ-dyń Baspasóz qyzmeti
