Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

QazUÝ Ázerbaijan jazýshysy Mir Jálel Pashaevtyń kitabyn qazaq tilinde shyǵardy

Dalanews
QazUÝ Ázerbaijan jazýshysy Mir Jálel Pashaevtyń kitabyn qazaq tilinde shyǵardy
Ál-Farabi atyndaǵy Qazaq ulttyq ýniversitetinde Ázerbaijan Respýblikasynyń III Prezidenti Geidar Álievtiń 100 jyldyǵyna arnalǵan halyqaralyq ǵylymi-konferentsiia aiasynda Túrki álemine tanymal jazýshy Mir Jálel Pashaevtyń qazaq tiline aýdarylǵan «Taýlardyń júregi» atty kitabynyń tusaýkeser rásimi ótti.

Ál-Farabi atyndaǵy QazUÝ kitapty Ázerbaijan ádebietiniń klassigi, jazýshy, kórnekti ǵalym-pedagog Mir Jálel Áli Pashaevtyń 115 jyldyq mereitoiyna orai basyp shyǵardy.

Taǵylymdy sharaǵa ýniversitet basshylyǵy, Ázerbaijan Respýblikasy Ulttyq Májilisi Mádeniet komitetiniń tóraǵasy, Ázerbaijan – Qazaqstan parlamentaralyq bailanystary jónindegi jumys tobynyń múshesi Ganira Pashaeva, sheteldik ǵalymdar, Ázerbaijannan kelgen delegatsiia músheleri, oqý ordasynyń oqytýshy-professorlar quramy qatysty.

Kitaptyń tusaýkeser rásiminde ýniversitet basshysy Janseiit Túimebaev Mir Jálel Pashaevtyń  shyǵarmashylyq jolyna toqtaldy.

«Ázerbaijan ádebietiniń Túrki áleminde alatyn orny erekshe. Jazýshy Mir Jálel Pashaev 30 jasynda «Jigit manifesi» atty áigili týyndysymen erekshe tanyldy. Qalamgerdiń budan basqa «Tirilgender», «Qaida baramyz?», «Ashyq kitap», «Meniń qurdastarym», «Jańa qala», «Ar soty», «Ar azaby», «Jasyrynatyn dostar» roman, hikaiattary keń taraǵan. Mir Jálel Pashaev ádebi shyǵarmashylyqpen qatar ǵylymi-pedagogikalyq salada eleýli jetistikterge jetken ǵalym.

Pedagogika, lingvistika, ádebiettaný salalary boiynsha ǵylymi eńbekter jazdy. Túrki álemine ortaq qalamgerdiń shyǵarmalarynyń qazaq tilinde jaryq kórýi –  baýyrlas, týys elderdiń ádebi, rýhani bailanysynyń aiqyn kórinisi», - dedi rektor.

«Taýlardyń júregi» atty kitap «Qazaq ýniversiteti» baspa úii baspahanasynda basylyp shyqty. Týyndyny qazaq ádebietiniń aqyn-jazýshylary atap aitqanda Nurǵali Oraz, Nurjan Qýantaiuly, Saiat Qamshyger, Kúnnur Aitbaeva qazaq tiline aýdardy. Jaýapty redaktory Kádirbek Qunypiiauly.  Kitapty bezendirgen Haliiada Tursymbekova.

Óz kezeginde Ázerbaijan Respýblikasy Ulttyq Májilisi Mádeniet komitetiniń tóraǵasy Ganira Pashaeva sóz sóilep, rizashylyǵyn bildirdi.

«Qazaqstan men Ázerbaijan arasyndaǵy qarym-qatynas kún sanap artyp keledi. Búgingi bastama eki eldiń mádenieti men ádebietiniń damýyna septigin tigizetini anyq. Qazaqstan men Ázerbaijannyń ádet-ǵurpy, tili jáne dini óte uqsas. Mir Jálel Áli Pashaevtyń kitabyn qazaq tiline aýdarǵandaryńyz úshin alǵysymdy bildiremin.

Men qazaq tarihyn zerttedim. Ázerbaijan men qazaq ziialy qaýym ókilderi óte tyǵyz qarym-qatynasta bolǵanyn bildim. Qazaq halqy kóptegen qaiǵyly oqiǵalardy bastan keshirdi. Osy turǵyda Ázerbaijannyń halqy qazaqtyń tarihyn bilsin degen maqsatta «Baýyrlas el – Qazaqstan» atty kitap jazyp shyqtym. Osyndai rýhani bailanystar arqyly yntymaǵymyz arta bersin.», - dedi Ganira Pashaeva.
pedagogika ál-Farabi atyndaǵy Qazaq Ulttyq ýniversiteti Nurjan Qýantaiuly Ázerbaijan «Lingvistika» Nurǵali Oraz Saiat Qamshyger Mir Jálel Pashaev Geidar Áliev ádebiettaný Kádirbek Qunypiiauly Kúnnur Aitbaeva Madina Sádýaqasova

Oqi otyryńyz