QazUPÝ tiýtorlardy daiarlaý máselesin talqylady
Kezdesý barysynda inkliýzivti bilim berý kadrlaryn, pedagog-assistent retinde tiýtorlardy daiarlaýdaǵy yntymaqtastyq máseleleri, belgili bir bilim berý baǵdarlamalary boiynsha mamandanýǵa múmkindik beretin qosymsha kýrstar ótkizý, tiýtorlardy kásibi qaita daiarlaý baǵdarlamasyn iske asyrý jáne olardyń jumysyn ádistemelik súiemeldeý máseleleri talqylandy.
Darhan Bilálov Abai ýniversitetiniń Almaty qalasy men elimizdiń bilim salasynyń naqty máselelerin sheshýge baǵyttalǵan belsendi ýniversitet retindegi mindetterine toqtalyp, mekteptermen tyǵyz jumys jasaý, qazirgi tańda suranysqa ie kadrlardy qaita daiarlaý, sondai-aq jumys berýshilermen jáne «Órleý» ortalyǵymen ózara bailanys ornatý, stýdentterdiń praktikasyn ótkizý máselelerin atap ótti. Rektor sondai-aq bilim alýǵa teń quqyqty jáne onyń múmkindigi shekteýli balalar úshin qoljetimdiligin, olardy oqytýdyń qolaily baǵytyn tańdaýdy qamtamasyz etetin inkliýzivti bilim berýdi damytý úshin yntymaqtastyqqa daiyn ekendigin málimdedi. Psihologiialyq testileý quraldaryn qoldaný qajettigi de aityldy.
– Ókinishke orai, Qazaqstanda tiýtorlardyń kómegine muqtaj balalar sany artyp keledi. Biz buǵan daiyn bolýymyz kerek. Árbir bala fizikalyq, intellektýaldyq, áleýmettik, emotsionaldyq, tildik jáne basqa da erekshelikterine qaramastan, bilim alyp, bizdiń qamqorlyǵymyzdy alýy kerek, – dep esepteidi elimizdiń jetekshi pedagogikalyq ýniversitetiniń basshysy.
«Áleýmettik inkliýzivti baǵdarlamalar ortalyǵy» qoǵamdyq qorynyń prezidenti Saltanat Mýrzalinova-Iakovleva ortalyqtyń qyzmeti men pedagog-tiýtorlardy qaita daiarlaý qajettiligine toqtalyp, bilikti kadrlar tapshylyǵyn atap ótti. Onyń aitýynsha, Qazaqstanda mundai mamandarǵa degen qajettilik jyl saiyn artyp keledi.
Kezdesý eki tarap úshin de nátijeli ótti. Kezdesýge qatysýshylar osy mańyzdy saladaǵy yntymaqtastyqty nyǵaitý jóninde pikir almasty.
