2014 jyly Abai tatyndaǵy Qazaq ulttyq pedagogika ýniversiteti men Sorbonna Parij Site birlestigimen yntymaqtastyq aiasynda Qazaqstan Respýblikasynyń Prezidenti Nursultan Nazarbaev jáne Frantsiia Respýblikasynyń Prezidenti Fransýa Ollandanyń qatysýmen Sorbonna-Qazaqstan institýty quryldy. Bul joǵary bilim men ǵylym salasyndaǵy aýqymdy ortaaziialyq, bakalavriat («Menedjment», «Marketing», «Halyqaralyq qatynastar», «Halyqaralyq quqyq», «Psihologiia», «Geografiia») jáne ekidiplomdyq magistratýra («Jahandaný kezeńindegi halyqaralyq kelisim dialog» jáne «Qazirgi álemdegi ózgeristerdi basqarý») baǵdarlamalary boiynsha kadrlardy frantsýz tilinde daiarlaýǵa baǵyttalǵan joba.
Túlekterge diplom tapsyrý saltanatty rásimine Qazaqstandaǵy Frantsiianyń Tótenshe jáne Ókiletti Elshisi Filipp Martine, Parij-Didro Ýniversitetiniń halyqaralyq yntymaqtastyq máseleleri jónindegi vitse-prezidenti Antýan Kaze, Shyǵys tilderi jáne órkenietteri ulttyq institýtynyń (INALCO) halyqaralyq yntymaqtastyq máseleleri jónindegi vitse-prezidenti Ann Grinberg, «QR Tuńǵysh Prezidenti – Elbasy» Qorynyń atqarýshy direktorynyń orynbasary Igor Rogov, Abai atyndaǵy QazUPÝ-dyń birinshi prorektory Maqtaǵali Bektemesov, Abai atyndaǵy QazUPÝ-dyń ǵylymi jumys jáne halyqaralyq yntymaqtastyq jónindegi prorektory Aqtolqyn Qulsarieva, Sorbonna-Qazahstan Institýtynyń sodirektorlary Gúlmira Nýrlihina, Mari-Ann Serv qatysty.
Saltanatty is-sharanyń ashylýynda Abai atyndaǵy QazUPÝ-dyń birinshi prorektory Maqtaǵali Bektemesov Sorbonna-Qazaqstan Institýty halyqaralyq jobasynyń jáne ekidiplomdyq qazaqstan-frantsýz baǵdarlamasynyń mańyzdylyǵyna toqtalyp ótti. Bitirýshi túlekterdiń aldaǵy eńbekterine sáttilik tilep, sóz kezegin Filipp Martinege berdi.
Qazaqstandaǵy Frantsiianyń Tótenshe jáne Ókiletti Elshisi Filipp Martine túlekterdi quttyqtap, qazaqstan-frantsýz yntymaqtastyǵyndaǵy bilim berý jáne ǵylym salalaryn damytýǵa qosqan úlesteri úshin Ýniversitet basshylyǵyna jáne Sorbonna-Qazaqstan Institýtynyń oqytýshylaryna alǵysyn bildirdi.
– Sorbonna-Qazaqstan Institýtynda bizdiń bolashaǵymyz qurylýda. Qazirgi tańda Frantsiia – bilim berý salasy boiynsha álemde aldyńǵy qatardaǵy el jáne startaptar men innovatsiialyq texnologiialar eli. Frantsiiada eń úlken biznes-inkýbator ornalasqan. Frantsiia men Qazaqstan strategiialyq áriptestikti damytý baǵytynda elimizde bilim alatyn qazaqstandyq stýdentter sanyn kóbeitý kerekpiz. Osy maqsatta biz QR Bilim jáne ǵylym ministri Erlan Saǵadievpen birlese qazaqstandyq bilim alýshylarǵa arnalǵan Abai Quananbaev jáne Jiýlia Vernniń atymen atalatyn jańa bilim berý baǵdarlamasyn iske qostyq. Frantsiia úkimeti «Abai-Vern» bilim berý baǵdarlamasyn Halyqaralyq baǵdarlamalar ortalyǵymen birlese qarjylandyratyn bolady, – dedi Filipp Martine.
Is-shara barysynda Igor Rogov, Ann Grinberg i Antýan Kaze túlekterdi quttyqtaý sóz sóilep, bitirýshi túlekterge tabys tiledi. Diplom tapsyrý saltanatty rásimniń qonaqtary Sorbonna-Qazaqstan Institýtynyń túlekterine diplomdaryn tabys etti.
Diplom tapsyrý saltanaty merekelik kontsertpen aiaqtaldy.
Rimma Janbaeva
https://dalanews.kz/33351
