Is-sharanyń negizgi maqsaty – ýniversitettegi sybailas jemqorlyqtyń aldyn alý, qyzmetkerler men stýdentterdi jemqorlyqqa qarsy tárbieleýdi kózdeidi. Sondai-aq, sybailas jemqorlyqqa qarsy is-qimyl salasyndaǵy vedomstvoaralyq ózara áreketti damytý.
Seminarǵa rektor Takir Balyqbaev, prorektorlar, institýt direktorlary men kafedra meńgerýshileri, ýniversitettiń qurylymdyq bólimsheleriniń basshylary qatysty.
Óz kezeginde oqý oryn basshysy Takir Balyqbaev atalǵan seminardyń mańyzdylyǵy men ózektiligin atap ótti.
– Qysqy mektep aiasynda biz aýqymdy oqý seminarlaryn ótkizýdemiz. Onyń negizgisi – «Halyqaralyq standart talaptary negizinde sybailas jemqorlyqqa qarsy is-qimyl júiesin jobalaý» seminary. Biz Memleket basshysynyń jáne QR Bilim jáne ǵylym ministrliginiń alǵa qoiǵan mindetterin tolyǵymen qoldaimyz, olardy iske asyrý úshin stýdentter, oqytýshylar men qyzmetkerler arasynda sybailas jemqorlyqqa tózbeýshilik jáne parasattylyq mádenietti qalyptastyrýdy kózdeidi. Ol úshin biz ártúrli baǵytta jumys jasaýdamyz. Sybailas jemqorlyqqa qarsy Keńes, «Parasat» ortalyǵyn qurdyq, tiisti komissiia jumys isteýde. Buǵan qosa, «Halyqaralyq ISO standarttary boiynsha sybailas jemqorlyqqa qarsy menedjment júiesi» engizip, 51 adam arnaiy oqýdan ótetin bolady. Basshylyq arasynda sybailas jemqorlyqqa qarsy túsindirme jumystary júrgizildi, budan ári osyndai sharalar oqytýshylar men stýdentter arasynda júrgiziletin bolady, – dedi T.Balyqbaev.
– Biyl ýniversitette sybailas jemqorlyq faktileriniń aldyn alý jáne ýniversitettiń akademiialyq adaldyq kodeksin saqtaý maqsatynda stýdentter men oqytýshylar quramynan turatyn monitoring toby quryldy. Emtihan barysynda «Akademiialyq adaldyq» kodeks erejelerin buzǵan jáne jemqorlyq faktilerine jol bergen stýdent ýniversitetten shyǵarylady. Sessiianyń qorytyndysy boiynsha onyń nátijeleri anyqtalyp, tiisti sharalar qabyldanady. Ýniversitet jemqorlyq kúres boiynsha halyqaralyq standarttarǵa sáikes belsendi jumys júrgizýdi jalǵastyratyn bolady, – dedi oqý oryn basshysy.
Seminar barysynda Anatolii Bandýro ISO zańnamalyq bazanyń normativti ólshemderi men standarttalǵan talaptary týraly egjei-tegjeili aitty. Sonymen, ISO 37001 2016 halyqaralyq standarty sybailas jemqorlyq táýekelderin baǵalaý, ISO standartynyń qurylymyna taldaý jasaý, ýniversitette sybailas jemqorlyqqa qarsy menedjment júiesin engizý jáne jetildirý, júieni jáne onyń protsesteri men elementterin jobalaýǵa qoiylatyn talaptardy kúsheitedi. Sondai-aq, halyqaralyq ISO standarttaryna sáikes sybailas jemqorlyqqa qarsy menedjment júiesin qurýdyń 4 kezeńi – júielik talaptardy qalyptastyrý, SJQMJ qurý, SJQMJ talaptarǵa sáikestigin tekserý, úzdiksiz jetildirýmen SJQMJ jumysy týraly aityldy.
Seminar nátijeli ótip, sharaǵa qatysýshylar jan-jaqty pikirlerin alǵa tartyp, oi bólisti.
