«Jańa Qazaqstan: jańa kezeń, jańa baǵyt» respýblikalyq pikirsaiys týrniriniń maqsaty – ulttyq merekeni keńinen nasihattaý, memlekettik jastar saiasatyn júzege asyrý, jastardyń intellektýaldyq áleýetin arttyrý, pikirtalas qozǵalysynyń damýyna yqpal etý.
Is-sharaǵa ýniversitet rektory Darhan Bilálov, áleýmettik damý jónindegi prorektor Shyńǵys Nurlanov, «Alfa-Akademiia» bilim akademiiasynyń direktory Baknur Ziiabekov jáne 31 arnanyń direktory Qurmanbek Jumaǵali jáne 31 arnanyń «Informbiýro» baǵdarlamasynyń direktory Erjan Júnis, jeke kásipker Ádil Ábdirahman, telejúrgizýshi Baqgeldi Baian qatysty.
Týrnirdiń ashylý rásimi elimizdiń jas pikirsaiysshylaryn elimizdiń tuńǵysh ýniversitetiniń tarihymen jáne Almaty qalasynyń tanymal, ári kieli jerlerin tanystyrý maqsatynda «Tanym Trevl» jobasymen jalǵasaty.
– Pikirsaiys týrnirleri arqyly jastarymyzdyń tanymdyq, shyǵarmashylyq áleýetin jan-jaqty damytýǵa jáne zertteýshilik daǵdylaryn qalyptastyrýǵa kóńil bólý qajet. Aldaǵy ýaqytta bul dástúr jalǵasyn tabatyn bolady. Biz jastarymyzdyń jańa Qazaqstandaǵy bolashaǵyn aiqyndaityn qadamdardy qoldaýǵa árqashan daiynbyz, – dedi rektor.
Týrnirge elimizdiń segiz óńirindegi 25 joǵary oqý ornynan 140-qa jýyq pikirsaiysshy qatysty. Jeńimpazdar 11 nominatsiia boiynsha anyqtalyp, alǵashqy úsh orynǵa arnaiy sertifikattar men aqshalai syilyqtar tabys etildi.
Birinshi oryndy «70%» fraktsiiasy: Jónderbek Jazira (Ál-Farabi atyndaǵy QazUÝ) jáne Erkebulan Áripbai (Astana q., Nazarbaev Ýniversiteti) ielendi. Ekinshi - Súleimen Demirel atyndaǵy ýniversitettiń «Han Táńiri» fraktsiiasy: Orazǵali Áset pen Arynov Azamat. Úshinshi oryn jeńimpazdary Ál-Farabi atyndaǵy QazUÝ-dyń «KN» fraktsiiasy: Ýzbekaliev Kenbai jáne Qulahmet Nurdáýlet boldy.
