Aqparat jáne kommýnikatsiia ministri Dáýren Abaev pen «Qazposhta» AQ Basqarma tóraǵasy Baǵdat Mýsin jáne «Samuryq Qazyna» UÁQ basqarma tóraǵasynyń orynbasary Elena Bahmýtova Shortandyǵa arnaiy baryp, «Salem, Mobile!» qyzmetiniń tanystyrylymyn ótkizdi.
«Salem, Mobile!» terminaly nege eń aldymen Shortandy aýdanynda ornatyldy desek, oǵan osy júieniń iske asyrylǵaly jatqanyn estigen Aqmola oblysy ákimdiginiń suranysy sebep bolǵan. Aqparat jáne kommýnikatsiia ministriniń aitýynsha, osyndai qarapaiym ári qoljetimdi terminaldarmen 2020 jylǵa deiin aýyldardyń 80 paiyzy qamtylmaq.«Salem, Mobile!» arqyly dúkennen keregińizdi alý úshin qolyńyzda qarapaiym telefon ǵana bolsa jetkilikti. Qaltańyzda qolma-qol aqshanyń bolýy mindetti emes. Tek kartańyzdy bir ret «Post.kz» júiesine tirkep alýyńyz kerek. Kerek-jaraq satyp alatyn kez kelgen dúkende sol jerdegi poshtanyń jáne saýda ornynyń arnaiy kody bolady. Sony terip, alatyn zatyńyzdyń baǵasyn «sms» arqyly jiberip, óz qajetińizge jarata beresiz.Demek, aýyldaǵy aǵaiyn endi bankomat izdep sabylmaidy. Kartochkasynan telefon arqyly jasalǵan tólemnen komissiia da ustalmaidy.
Jalpy, eldegi poshta qyzmetin usynyp otyrǵan ulttyq operator – «Qazposhtanyń» budan ózge aýyl turǵyndaryna usynyp otyrǵan qyzmeti «postmarket.kz» saýda alańy. Bul et, sút jáne basqa sharýashylyq ónimderiniń qalaǵa tasyp, saýda jasaityn aýyl adamdary úshin taptyrmas saýda alańy. Sebebi osy onlain saýda alańyna ár aýyl turǵyny qalaǵa satpaq bolǵan zatyn shyǵaryp, ony qalalyqtarǵa sata alady. Sol arqyly jol shyǵyndaryn, ýaqytyn únemdeidi. Al qalalyqtar taza tabiǵi ónim alady.
Sálemdemeler sýpermarketinniń tiimdiligi sol, basqa memleketten, qaladan kelgen kádesyilary burynǵydai jabyq bólmege jinalmai, arnaiy sórelerge qoiylady. Turǵyndar óz nómirleri arqyly kelgen zatyn tańdap alady. Sálemdeme jóneltý kerek bolsa da bárin ózi qorapqa salyp, orap, jazýyn toltyrady. Bir qyzmetkerge qarap otyrmaidy. Ýaqyt ta únemdeledi. «Qazposhta» qyzmeti damyp keledi
Dáýren Abaev aýyl turǵyndaryna osyndai zamanaýi kommýnikatsiialyq qyzmetterdi usyný –jańa ministrlik jumysyndaǵy mańyzdy baǵyttardyń biri ekenin aitty. Rasynda da, «Samuryq-Qazyna» UÁQ» AQ-nyń jalǵyz aktsioneri «Qazposhta» AQ óziniń 50 bólimshesine shalǵaidaǵy aýyl turǵyndaryna yńǵaily bolýy úshin «Internetke qoljetimdilik oryndaryn» ornalastyrǵan. Ol turǵyndardyń ǵalamtordy tegin paidalanýyna, ózge aýyldaǵy týysqandarymen Skype arqyly bailanysqa shyǵýyna múmkindik beredi. Atalǵan mekeme aldaǵy ýaqytta ekinshi deńgeili bankterden aýyl halqyna nesie alyp berý máselesin de sheshpek. Iaǵni qarjylyq qyzmet túrleriniń sýpermarketin jasaýǵa tyrysýda. Sóitken jaǵdaida, azamattar tek «Qazposhta» keńselerine kelý arqyly-aq túrli bankterdiń qyzmetin tutynýǵa múmkindik alady. Bul rette «Samuryq-Qazyna» UÁQ» AQ «Qazposhtaǵa» 12 milliard teńge bólgen.
Bul oraida ministr Dáýren Abaev: «Árine, eń aldymen tehnologiialyq progress jetistikterin aýyldyq jerlerge engizý týraly sóz qozǵalady. Búgin tanystyrylyp otyrǵan áleýmettik jobalar sonyń kýási. Jalpy, bul jańashyldyqtardyń barlyǵy aýyl men qala arasyndaǵy tsifrlyq teńsizdikti qysqartýǵa arnalǵan. Biz qalalyqtarǵa qanshalyqty kóp qyzmet túrin usynsaq, ol aýyldyq eldi mekenderge de taralýǵa tiis» dedi. Al «Qazposhta» AQ basqarma tóraǵasy Baǵdat Mýsin bolsa: «Biz qyzmet túrlerin odan ári jetildirdik. Endi aýyl turǵyndary temir jol biletin satyp alý úshin de aldyn ala alystaǵy aýdan ortalyǵyna baryp áýrelenbeidi. Biletti óz aýylynda otyryp, «Qazposhtanyń» yńǵaily formatyn qoldaný arqyly satyp alýyna múmkindik bar. Osy jańa qyzmetti paidalanyp, sońǵy 3 ai ishinde aýyldyq jerlerdegi 380 bólimsheden 30 myńnan astam adam bilet satyp aldy. Endi jyl sońynda mundai bólimshelerdi myńǵa deiin jetkizbekpiz. Sondai-aq biylǵy 3-toqsannyń sońyna deiin áýe biletterin satý jobasyn engizýdi josparlap otyrmyz.«Qazposhtanyń» oqytý ortalyǵyn ashyp, mamandarymyzdyń qabilettiligin arttyrý úshin de arnaiy jumys jasaýdamyz. Jáne bir qashyqtyqtan oqytatyn júie bar. Sol arqyly jańa qyzmetterdi qalai engizý kerektigin úiretýdemiz. Óitkeni shalǵai aýyldardyń ózinde 2 myńdai bólimshemiz bar» dep atqarylyp jatqan jumystar jóninen habardar etti.
Erkeǵali BEISENOV
Derekkózi: kazgazeta.kz
