2022 jyly “Qazposhta” 12,5 milliard teńge kóleminde shyǵynǵa batqan. Bul týraly ulttyq poshta operatorynyń basqarma tóraiymy Ásel Janasova málimdedi, dep habarlaidy Dalanews.kz.
“2022 jyly “Qazposhta” 12,5 milliard teńge kóleminde shyǵynǵa batty”, – dep jaýap berdi Janasova senat depýtatynyń suraǵyna.
Onyń aitýynsha, hattar men gazetter siiaqty korrespondentsiianyń kólemi álem boiynsha jyl saiyn 20%-ǵa qysqaryp keledi.
“Álemde kóptegen poshta operatorlary shyǵynǵa ushyrap, daǵdarysty bastan ótkerip jatyr. Tipti biyl keibireýi jabylyp, jekeshelendirilýde”, – dep qosty Janasova.
Eske salaiyq, buǵan deiin "Qazposhta" AQ Basqarmasynyń tóraǵasy Ásel Janasova óziniń qansha jalaqy alatynyn aitqan edi.
Ol qolyna taza tietini - 1,2 mln teńge ekenin jetkizdi.
Elimizde poshtashylar orta eseppen 160 myń teńge ailyq alady. Al shalǵai aýyldarda, tipti odan da az. Munyń sebebin Ásel Janasova bylai túsindirdi:
"Poshta degende, bul tek poshtashylar ǵana emes. Bizde júrgizýshiler, suryptaýshylar, operatorlar da jumys isteidi. Olardyń jalaqylary ártúrli. Poshtashylary jartylai stavkada jumys isteitin aimaqtar bar. Olar qosymsha jumys isteý múmkindigine ie. Mysaly, suryptaýshy túnde úshinshi aýysymǵa jumysqa shyǵady delik. Ol bir ailyq jalaqynyń úshten bir bóligin alady. Osy jaǵynan alǵanda, bizdegiler az jalaqy alatyn siiaqty kórinedi, biraq is júzinde onyń úsh-tórt jumysy bolady", - dedi Ásel Janasova.
Ol uiymnyń jyl saiyn jalaqyny kóterip otyratynyn basa atap ótti.
2023 jyly aýyldyq óndiristik personaldardyń jalaqysy 25% - ǵa kóterilgen. Biyl taǵy 15%-ǵa ósken. Negizinen poshtada áiel adamdar jumys isteidi, shamamen - 85%. 2022 jyly óńirlerdegi poshtashylardyń ortasha ailyǵy 90 myń teńge bolǵan.
