QMG-nyń Batys Qazaqstan oblysyndaǵy enshiles uiymdary men qatysý úlesi bar kompaniialar jergilikti ákimdikterge kóktemgi sý tasqyny saldaryn joiý jáne apattyq-qutqarý jumystaryn júrgizý kezinde kómek qolyn sozdy dep habarlaidy ulttyq kompaniianyń resmi arnasy.
Qarashyǵanaq Petroliým Opereiting B.V. kompaniiasy Bórli aýdany ákimdiginiń ótinishi boiynsha 28 naýryzdan bastap qajetti tehnikany bóldi.
Qarashyǵanaq ken ornynda qazirgi ýaqytta sý tasqyny baiqalmaidy. Tabiǵi apat shikizat óndirý isine jáne jobalardy iske asyrý barysyna áser etpedi.
Óz kezeginde, «Ýral Oil end Gaz» JShS (QMG úlesi – 50%) Batys Qazaqstan oblysy Báiterek aýdanynyń Ianvartsevo aýylynda kóktemgi sý tasqynyna qarsy is-sharalardy júrgizý úshin 6 arnaiy tehnika bóldi. Kompaniia 4 samosval, 1 júk tiegish jáne 1 ekskavator berdi.
Sonymen birge «ÝOG» JShS ujymy bir kúndik jalaqysyn sý tasqynynan zardap shekkenderge kómek qoryna aýdarý týraly sheshim qabyldady.
QazMunaiGazdyń jáne oǵan qarasty uiymdardyń qyzmetkerleri de zardap shekken otbasylarǵa kómektesý úshin qarjylai kómek jinap jatyr.
