قمگ-نىڭ باتىس قازاقستان وبلىسىنداعى ەنشىلەس ۇيىمدارى مەن قاتىسۋ ۇلەسى بار كومپانيالار جەرگىلىكتى اكىمدىكتەرگە كوكتەمگى سۋ تاسقىنى سالدارىن جويۋ جانە اپاتتىق-قۇتقارۋ جۇمىستارىن جۇرگىزۋ كەزىندە كومەك قولىن سوزدى دەپ حابارلايدى ۇلتتىق كومپانيانىڭ رەسمي ارناسى.
قاراشىعاناق پەتروليۋم وپەرەيتينگ ب.ۆ. كومپانياسى ءبورلى اۋدانى اكىمدىگىنىڭ ءوتىنىشى بويىنشا 28 ناۋرىزدان باستاپ قاجەتتى تەحنيكانى ءبولدى.
قاراشىعاناق كەن ورنىندا قازىرگى ۋاقىتتا سۋ تاسقىنى بايقالمايدى. تابيعي اپات شيكىزات ءوندىرۋ ىسىنە جانە جوبالاردى ىسكە اسىرۋ بارىسىنا اسەر ەتپەدى.
ءوز كەزەگىندە، «ۋرال ويل ەند گاز» ج ش س (قمگ ۇلەسى – 50%) باتىس قازاقستان وبلىسى بايتەرەك اۋدانىنىڭ يانۆارسيەۆو اۋىلىندا كوكتەمگى سۋ تاسقىنىنا قارسى ءىس-شارالاردى جۇرگىزۋ ءۇشىن 6 ارنايى تەحنيكا ءبولدى. كومپانيا 4 ساموسۆال، 1 جۇك تيەگىش جانە 1 ەكسكاۆاتور بەردى.
سونىمەن بىرگە «ۋوگ» ج ش س ۇجىمى ءبىر كۇندىك جالاقىسىن سۋ تاسقىنىنان زارداپ شەككەندەرگە كومەك قورىنا اۋدارۋ تۋرالى شەشىم قابىلدادى.
قازمۇنايگازدىڭ جانە وعان قاراستى ۇيىمداردىڭ قىزمەتكەرلەرى دە زارداپ شەككەن وتباسىلارعا كومەكتەسۋ ءۇشىن قارجىلاي كومەك جيناپ جاتىر.
