QazMunaıGaz 2022 jyly Mańǵystaý oblysynyń Jańaózen qalasyna jańa áleýmettik nysandy syıǵa tartqan bolatyn. Atap aıtqanda, ondaǵy "Bilim ınovasıa" lıseıine QazMunaıGazdyń enshiles kompanıasy — "Ózenmunaıgaz" AQ angar úlgisindegi ekiqabatty jańa sport keshenin oqýshylar qýana qabyldaǵan edi. Óıtkeni oǵan deıin lıseıde oqýshylarǵa arnalǵan jeke sport kesheni bolmaǵan, dep habarlaıdy Dalanews.kz.
Keshenniń joǵarǵy qabaty — sońǵy úlgidegi qural-jabdyqtar qoıylǵan keń jattyǵý zaly. Onda sportqa qajettiń bári bar — kóldeneń jolaqtar, barlar, shtangalar, platformalar, kúshtik snarádtar, estafetalyq oıyn jabdyqtary, jerge tósenishter sonymen birge atalǵan sporttyq jabdyqtardy saqtaýǵa arnalǵan sóreler bar.
Al kıim aýystyratyn jáne jýynatyn bólmeler men dárethanalar yńǵaıly bolý úshin tómengi qabatta ornalasqan.Erekshe sport klýbynda ár túrli mádenı-qoǵamdyq, oıyn-saýyq jáne sporttyq is-sharalar da ótkiziledi. Voleıbol, basketbol, kúres, toǵyzqumalaq, shahmat, shaǵyn fýtbol járe t.b. seksıalar da jumys isteıdi.
Bul – Ózenmunaıgazdyń Jańaózende syıǵa tartqan angar úlgisindegi ekinshi sport ǵımaraty. Sondaı-aq óńirdiń paralımpıadashylary men múmkindigi shekteýli turǵyndarynyń qajettilikterine arnalǵan "Alǵa" klýby da bar.
QazMunaıGaz-dyń yqpalymen Jetibaı aýylynda da 2023 jyly bes balalar sport kesheni salyndy. Olar eki túrli baǵyt boıynsha jobalanǵan: birinshi tıptegi alańdarda jasandy jabyny bar fýtbol alańdary, vorkaýt alańdary jáne balalarǵa arnalǵan oıyn aımaqtary bolsa, ekinshi tıptegi keshender basketbol jáne voleıbol oıyndaryna arnalǵan alańdar.
20 myńdaı halyq turatyn munaıshylar kenti úshin bul úlken qýanysh boldy. Jetibaılyqtarǵa qazir balalaryn oınatyp, kóńil-kúılerin kóterý úshin shalǵaı qalalarǵa barmaıdy. Óz aýyldarynyń aýmaǵynda oınaýǵa qajettin barlyǵy bar.
2023 jyly sondaı-aq Jańaózen qalasynda jáne oǵan irgeles Qyzylsaı, Teńge, Rahat aýyldarynda da osyǵan uqsas 16 balalar alańy paıdalanýǵa berildi.
Mańǵystaý oblysynda 2022-2023 jyldar aralyǵynda QazMunaıGazdyń ("Samuryq-Qazyna Trast" qory arqyly) demeýshilik kórsetýimen júzege asyrylǵan joba aıasynda jalpy 21 balalar sport alańy paıdalanýǵa berildi.
