قازمۇنايگاز 2022 جىلى ماڭعىستاۋ وبلىسىنىڭ جاڭاوزەن قالاسىنا جاڭا الەۋمەتتىك نىساندى سىيعا تارتقان بولاتىن. اتاپ ايتقاندا، ونداعى "ءبىلىم يننوۆاسيا" ليسەيىنە قازمۇنايگازدىڭ ەنشىلەس كومپانياسى — "وزەنمۇنايگاز" اق انگار ۇلگىسىندەگى ەكىقاباتتى جاڭا سپورت كەشەنىن وقۋشىلار قۋانا قابىلداعان ەدى. ويتكەنى وعان دەيىن ليسەيدە وقۋشىلارعا ارنالعان جەكە سپورت كەشەنى بولماعان، دەپ حابارلايدى Dalanews.kz.
كەشەننىڭ جوعارعى قاباتى — سوڭعى ۇلگىدەگى قۇرال-جابدىقتار قويىلعان كەڭ جاتتىعۋ زالى. وندا سپورتقا قاجەتتىڭ ءبارى بار — كولدەنەڭ جولاقتار، بارلار، شتانگالار، پلاتفورمالار، كۇشتىك سناريادتار، ەستافەتالىق ويىن جابدىقتارى، جەرگە توسەنىشتەر سونىمەن بىرگە اتالعان سپورتتىق جابدىقتاردى ساقتاۋعا ارنالعان سورەلەر بار.
ال كيىم اۋىستىراتىن جانە جۋىناتىن بولمەلەر مەن دارەتحانالار ىڭعايلى بولۋ ءۇشىن تومەنگى قاباتتا ورنالاسقان.ەرەكشە سپورت كلۋبىندا ءار ءتۇرلى مادەني-قوعامدىق، ويىن-ساۋىق جانە سپورتتىق ءىس-شارالار دا وتكىزىلەدى. ۆولەيبول، باسكەتبول، كۇرەس، توعىزقۇمالاق، شاحمات، شاعىن فۋتبول جارە ت.ب. سەكسيالار دا جۇمىس ىستەيدى.
بۇل – وزەنمۇنايگازدىڭ جاڭاوزەندە سىيعا تارتقان انگار ۇلگىسىندەگى ەكىنشى سپورت عيماراتى. سونداي-اق ءوڭىردىڭ پاراليمپياداشىلارى مەن مۇمكىندىگى شەكتەۋلى تۇرعىندارىنىڭ قاجەتتىلىكتەرىنە ارنالعان "العا" كلۋبى دا بار.
قازمۇنايگاز-دىڭ ىقپالىمەن جەتىباي اۋىلىندا دا 2023 جىلى بەس بالالار سپورت كەشەنى سالىندى. ولار ەكى ءتۇرلى باعىت بويىنشا جوبالانعان: ءبىرىنشى تيپتەگى الاڭداردا جاساندى جابىنى بار فۋتبول الاڭدارى، ۆوركاۋت الاڭدارى جانە بالالارعا ارنالعان ويىن ايماقتارى بولسا، ەكىنشى تيپتەگى كەشەندەر باسكەتبول جانە ۆولەيبول ويىندارىنا ارنالعان الاڭدار.
20 مىڭداي حالىق تۇراتىن مۇنايشىلار كەنتى ءۇشىن بۇل ۇلكەن قۋانىش بولدى. جەتىبايلىقتارعا ءقازىر بالالارىن ويناتىپ، كوڭىل-كۇيلەرىن كوتەرۋ ءۇشىن شالعاي قالالارعا بارمايدى. ءوز اۋىلدارىنىڭ اۋماعىندا ويناۋعا قاجەتتىن بارلىعى بار.
2023 جىلى سونداي-اق جاڭاوزەن قالاسىندا جانە وعان ىرگەلەس قىزىلساي، تەڭگە، راحات اۋىلدارىندا دا وسىعان ۇقساس 16 بالالار الاڭى پايدالانۋعا بەرىلدى.
ماڭعىستاۋ وبلىسىندا 2022-2023 جىلدار ارالىعىندا قازمۇنايگازدىڭ ("سامۇرىق-قازىنا تراست" قورى ارقىلى) دەمەۋشىلىك كورسەتۋىمەن جۇزەگە اسىرىلعان جوبا اياسىندا جالپى 21 بالالار سپورت الاڭى پايدالانۋعا بەرىلدى.
