"QazMunaiGaz" ulttyq kompaniiasy Bolgariianyń Býrgas qalasyndaǵy reseilik "Lýkoilǵa" tiesili munai óńdeý zaýytyn (MÓZ) satyp alýǵa nietti, dep jazady Dalanews.kz.
Lukoil Neftohim Burgas AD-tyń basty aktsioneri Litasco SA jáne onymen bailanysty kompaniia birneshe kompaniia usynystaryn qabyl alyp úlgergeni, olardyń arasynda "QazMunaiGaz" da bary belgili, dep jazady Bloomberg óz derekkózine silteme jasap.
"Kompaniia álemdegi eń iri táýelsiz munai treideri jáne Qazaqstandaǵy iri oiynshy Vitol Group–pen áleýetti satyp alýshyny qarjylandyrý máselesin talqylaýda", - delingen basylym habarlamasynda.
Bul aradaǵy baǵa 1 mlrd dollar tóńireginde sóz etilýde.
Bul zaýytty satyp alýdan majarlyq Mol Nyrt kompaniiasy da úmitti.
2024 jyly qarashada Financial Times QMG-ny Býrgastaǵy zaýytty satyp alǵysy keletinder qataryna jatqazyǵan, alaida amerikalyq basylym bul rette qatar-britan konsortsiýmyna enetin Oryx Global firmasy men DL Hudson saýda úiiniń múmkindigi joǵary ekenin atap kórsetken.
Buǵan deiin saitymyzda "QazMunaiGaz" ben "Báiterekke" qatysty tekseris qashan aiaqtalady" degen maqala jariialanǵan.
