"قازمۇنايگاز" ۇلتتىق كومپانياسى بولگاريانىڭ بۋرگاس قالاسىنداعى رەسەيلىك "لۋكويلعا" تيەسىلى مۇناي وڭدەۋ زاۋىتىن (ءموز) ساتىپ الۋعا نيەتتى، دەپ جازادى Dalanews.kz.
Lukoil Neftohim Burgas AD-تىڭ باستى اكسيونەرى Litasco SA جانە ونىمەن بايلانىستى كومپانيا بىرنەشە كومپانيا ۇسىنىستارىن قابىل الىپ ۇلگەرگەنى، ولاردىڭ اراسىندا "قازمۇنايگاز" دا بارى بەلگىلى، دەپ جازادى Bloomberg ءوز دەرەككوزىنە سىلتەمە جاساپ.
"كومپانيا الەمدەگى ەڭ ءىرى تاۋەلسىز مۇناي ترەيدەرى جانە قازاقستانداعى ءىرى ويىنشى Vitol Group–پەن الەۋەتتى ساتىپ الۋشىنى قارجىلاندىرۋ ماسەلەسىن تالقىلاۋدا"، - دەلىنگەن باسىلىم حابارلاماسىندا.
بۇل اراداعى باعا 1 ملرد دوللار توڭىرەگىندە ءسوز ەتىلۋدە.
بۇل زاۋىتتى ساتىپ الۋدان ماجارلىق Mol Nyrt كومپانياسى دا ءۇمىتتى.
2024 جىلى قاراشادا Financial Times قمگ-نى بۋرگاستاعى زاۋىتتى ساتىپ العىسى كەلەتىندەر قاتارىنا جاتقازىعان، الايدا امەريكالىق باسىلىم بۇل رەتتە قاتار-بريتان كونسورسيۋمىنا ەنەتىن Oryx Global فيرماسى مەن DL Hudson ساۋدا ءۇيىنىڭ مۇمكىندىگى جوعارى ەكەنىن اتاپ كورسەتكەن.
بۇعان دەيىن سايتىمىزدا "قازمۇنايگاز" بەن "بايتەرەككە" قاتىستى تەكسەرىس قاشان اياقتالادى" دەگەن ماقالا جاريالانعان.
