"QazMunaiGaz" basshylary jyl saiyn 705 mln teńge kóleminde syiaqy ala ma? Kompaniia ókilderi jaýap berdi, - dep habarlaidy Dalanews.kz.
"QazMunaiGaz" UK" AQ basqarma tóraǵasynyń orynbasary Áset Maǵaýov jaǵdaiǵa pikir bildirdi. Áset Maǵaýovtyń sózinshe, áli syiaqy alyp kórmegen.
"Maǵan áli berilmedi. Meniń bilýimshe, tizimge qosylý úshin bes aidan kóp jumys isteý kerek", – dedi ol.
BAQ ókilderi 705 million qomaqty soma ekenin aityp, tańdanysyn bildirgen. Al ulttyq kompaniia basqarma tóraǵasynyń orynbasary bul soma memlekettik tólemderdi qosqandaǵy jalpy soma ekenin málimdegen.
"Bul somaǵa ai saiynǵy eńbekaqy, salyqtar, meditsinalyq saqtandyrý syndy memlekettik tólemder kiredi. Bul taza tólem emes, jalpy soma. ...Kompaniiada top-menedjerlerdi ustap turý úshin eńbekaqy básekege sai bolýy kerek", – deidi "QazMunaiGaz" ókili.
Alaida ózi qansha jalaqy alatynyn aitýdan bas tartqan.
