Qazyǵurt aýdanynda ótken jyly jalpy óńirlik ónim kólemi 28,5% artyp, 91 mlrd. teńgeni qurasa, osy jyldyń alty  aıynda 33,2 mlrd teńgeni quraǵan. Bul týraly búgin OQO óńirlik komýnıkasıalar qyzmetinde ótken baspasóz konferensıasynda Qazyǵurt aýdanynyń ákimi Tólegen Telǵaraev málim etti.

Óńirdiń áleýmettik-ekonomıkalyq damý qorytyndysyn baıandaǵan aýdan basshysy ótken jyly «Óńirler kásipkerligin qoldaý kartasy» baǵdarlamasyna engen  jalpy quny 2,6 mlrd. teńge bolatyn 7 jobanyń búginde 5-ýi  iske qosylǵanyn aıtty. Osynyń nátıjesinde 162 adam turaqty jumyspen qamtylǵan. Al, 2017 jyldyń sońyna deıin qosymsha 2 jańa joba iske asyrylyp, 32 adam turaqty jumyspen qamtylatyn bolady. Bul kásiporyndardyń jalpy quny 722,7 mln. teńge bolatynyn atap ótti.

– 2017 jyldyń 6 aıynda óndirilgen ónim kólemi 2964,2 mln. teńge bolyp, naqty kólem ındeksi 105 % qurady. Ótken jyldyń tıisti kezeńimen salystyrǵanda 441 mln. teńgege artyq ónim óndirildi. Olardyń ishinde ken óndirý ónerkásibiniń basqa salalary boıynsha 40,7 mln. teńge, óńdeý ónerkásibi boıynsha 2363,6 mln. teńge, elektrmen jabdyqtaý, gaz berý boıynsha 527,8 mln teńge, sýmen jabdyqtaý boıynsha 32,1 mln. teńgege óndirildi, – dedi T.Telǵaraev.

Sondaı-aq, aýdan ákimi jyl sońyna deıin ónerkásip óniminiń kólemin 6,1 mlrd. teńgege  ıaǵnı,  naqty kólem ındeksin 103,5 % jetkizý kózdelýde ekenin jetkizdi.

 

OQO ákiminiń baspasóz qyzmeti

 

https://dalanews.kz/28370