قازىعۇرتتاعى يندۋستريالدى ايماقتا 5 جوبا ٸسكە استى
ٶڭٸردٸڭ ەلەۋمەتتٸك-ەكونوميكالىق دامۋ قورىتىندىسىن بايانداعان اۋدان باسشىسى ٶتكەن جىلى «ٶڭٸرلەر كەسٸپكەرلٸگٸن قولداۋ كارتاسى» باعدارلاماسىنا ەنگەن جالپى قۇنى 2,6 ملرد. تەڭگە بولاتىن 7 جوبانىڭ بٷگٸندە 5-ۋٸ ٸسكە قوسىلعانىن ايتتى. وسىنىڭ نەتيجەسٸندە 162 ادام تۇراقتى جۇمىسپەن قامتىلعان. ال, 2017 جىلدىڭ سوڭىنا دەيٸن قوسىمشا 2 جاڭا جوبا ٸسكە اسىرىلىپ, 32 ادام تۇراقتى جۇمىسپەن قامتىلاتىن بولادى. بۇل كەسٸپورىنداردىڭ جالپى قۇنى 722,7 ملن. تەڭگە بولاتىنىن اتاپ ٶتتٸ.
– 2017 جىلدىڭ 6 ايىندا ٶندٸرٸلگەن ٶنٸم كٶلەمٸ 2964,2 ملن. تەڭگە بولىپ, ناقتى كٶلەم يندەكسٸ 105 % قۇرادى. ٶتكەن جىلدىڭ تيٸستٸ كەزەڭٸمەن سالىستىرعاندا 441 ملن. تەڭگەگە ارتىق ٶنٸم ٶندٸرٸلدٸ. ولاردىڭ ٸشٸندە كەن ٶندٸرۋ ٶنەركەسٸبٸنٸڭ باسقا سالالارى بويىنشا 40,7 ملن. تەڭگە, ٶڭدەۋ ٶنەركەسٸبٸ بويىنشا 2363,6 ملن. تەڭگە, ەلەكترمەن جابدىقتاۋ, گاز بەرۋ بويىنشا 527,8 ملن تەڭگە, سۋمەن جابدىقتاۋ بويىنشا 32,1 ملن. تەڭگەگە ٶندٸرٸلدٸ, – دەدٸ ت.تەلعاراەۆ.
سونداي-اق, اۋدان ەكٸمٸ جىل سوڭىنا دەيٸن ٶنەركەسٸپ ٶنٸمٸنٸڭ كٶلەمٸن 6,1 ملرد. تەڭگەگە ياعني, ناقتى كٶلەم يندەكسٸن 103,5 % جەتكٸزۋ كٶزدەلۋدە ەكەنٸن جەتكٸزدٸ.
وقو ەكٸمٸنٸڭ باسپاسٶز قىزمەتٸ
https://dalanews.kz/28370
