«QazAvtoJol» Jambyl oblystyq filialy basshysynyń orynbasary sottaldy, dep habarlaidy Dalanews.kz.
Aǵymdaǵy jyldyń 26 jeltoqsanynda Qordai aýdandyq sotymen «QazAvtoJol» Jambyl oblystyq filialy basshysynyń orynbasary D. Týltaev, «DorStroi» JShS merdigerlik uiymy jobasynyń jetekshisi Ý. Qurbanov jáne «Almaty Sapa Injiniring» JShS tehnikalyq qadaǵalaý sarapshysy D. Musaqul sottaldy.
Olar qazaq-qyrǵyz shekarasyndaǵy «Qordai» ótkizý pýnktin salý, keńeitý jáne rekonstrýktsiialaý kezinde 296 mln teńgeden astam biýdjet qarajatyn ysyrap etkeni úshin kináli dep tanyldy.
Jymqyrý oryndalmaǵan jumystar aktilerine qol qoiý, sol jumys túrlerine eki ese aqy tóleý, jabdyqtyń qunyn asyra baǵalaý jáne zattardy az jetkizý jolymen jasalǵan.
Týltaev pen Qurbanovqa tiisinshe 10 jyl merzimge jol-qurylys jumystarymen jáne qurylys jumystary salasyndaǵy kásipkerlik qyzmetpen ainalysý quqyǵynan aiyra otyryp, árqaisysyna 8 jyl bas bostandyǵynan aiyrý jazasy taǵaiyndaldy.
Sol úkimmen Musaqul sáýlet, qala qurylysy jáne qurylys qyzmeti salasynda 10 jyl merzimge injiniringtik qyzmetter kórsetýmen ainalysý quqyǵynan aiyra otyryp, 7 jylǵa bas bostandyǵynan aiyryldy.
Sot aktisi zańdy kúshine engen joq.
