"QazAvtoJol" kompaniiasynyń komplaens jáne qaýipsizdik qyzmeti óz ishindegi jemqorlyqty anyqtap, Antikorǵa júgindi, dep habarlaidy Dalanews.kz.
Kompaniianyń baspasóz qyzmetiniń málimetinshe, “QazAvtoJol” kompaniiasynyń ishinde Sybailas jemqorlyqqa qarsy komplaens-qyzmet (uiymnyń ishinde jemqorlyqqa qarsy sharalardy baqylap, olardyń durys oryndalýyn qadaǵalaityn bólim) bar.
Osy qyzmet pen kompaniianyń qaýipsizdik qyzmeti “KAJServis” JShS-niń Shyǵys Qazaqstan oblystyq filialynyń basshylyǵy biýdjet qarajatyn jymqyrǵanyn anyqtady.
“Istiń mán-jaiy Shyǵys Qazaqstan oblysy boiynsha sybailas jemqorlyqqa qarsy is-qimyl qyzmetine joldanǵan bolatyn. Kúni keshe osy másele boiynsha Qylmystyq kodekstiń 189-baby, 3-bóligi, 1-tarmaǵy boiynsha qylmystyq is bastaldy”, - dep jazady kompaniianyń baspasóz qyzmeti.
Eske salaiyq, sońǵy jyldary Qazaqstanda sybailas jemqorlyqpen kúres kúsheiip keledi. Bul jaǵdai memlekettik jáne ulttyq kompaniialarda komplaens-qyzmetterdiń engizilýine alyp keldi.
Osy tusta, "QazAvtoJol" kompaniiasy da óziniń ishki baqylaý júiesin kúsheitip, jemqorlyqqa qarsy qyzmetke júgingen bolatyn. Komplaens-qyzmettiń maqsaty — kompaniia ishindegi zań buzýshylyqtardy der kezinde anyqtaý ári ony joiýǵa áreket etý.
Aita keteiik, "QazAvtoJol" ulttyq kompaniiasy Qazaqstandaǵy negizgi avtojoldardy salýmen jáne olarǵa qyzmet kórsetýmen ainalysady.
