Qazaqstanda jolaýshy tasymaly kezinde jol qozǵalysy qaýipsizdigi talaptarynyń jii buzylýyna bailanysty «QazAvtoJol» ulttyq kompaniiasy taksi júrgizýshilerine arnaiy úndeý jariialady, dep habarlaidy Dalanews.kz.
Kompaniia sońǵy ýaqytta júrgizýshilerdiń kólikti basqara otyryp, mobildi telefondy belsendi paidalanýy kóbeigenin atap ótti. Bul jaǵdai jolaýshylardyń ómirine tikelei qaýip tóndiredi.
Astana – Pavlodar baǵytyndaǵy sońǵy oqiǵada keibir júrgizýshiler birneshe serviske qatar qosylyp, jol ústinde tapsyrys izdep, habarlama jazyp, áleýmettik jeliler men videokontent qarap otyrǵany anyqtalǵan.
«Mundai áreketter jolaýshylardyń ómiri men densaýlyǵyna úlken qaýip tóndiredi jáne Qazaqstan Respýblikasynyń jol qaýipsizdigi týraly zańnamasyn óreskel buzý bolyp sanalady», – dep málimdedi kompaniia.
QazAvtoJol eskertken talaptar:
1. Kólik qozǵalysy kezinde telefondy qoldanýǵa tyiym salynady. Tek gromkii sviaz rejimi nemese joldan kóz aýdartpaityn navigatsiiany qoldanýǵa ruqsat.
2. Birneshe taksi servisinde qatar jumys isteý júrgizýshiniń joldan nazaryn aýdarmaýy tiis.
3. Jolaýshy eskertý jasaǵan jaǵdaida júrgizýshi dereý qaýipti áreketin toqtatýy qajet.
4. Qaýipsizdik talaptaryn elemeý – aiyppul salý, servis tarapynan buǵattaý nemese zań aiasynda jaýapkershilikke tartýǵa negiz bolady.
5. Jolaýshynyń qaýipsizdigi men kólikti apatsyz basqarý – árbir taksi júrgizýshisiniń basty mindeti.
Kompaniia júrgizýshilerdi kásibi standarttardy saqtaýǵa, jolaýshylarǵa qurmetpen qaraýǵa jáne tasymaldaýdyń barlyq kezeńinde qaýipsizdikti qamtamasyz etýge shaqyrdy.
«Jaýapkershilikti minez-qulyq qana jolaýshylar senimin arttyryp, taksi qyzmetiniń sapasyn kóteredi», – dep atap ótedi QazAvtoJol.
