Tarazda mamandandyrylǵan ákimshilik sot respýblikalyq mańyzy bar «Almaty–Tashkent–Termez-2» trassasyndaǵy jol qaýipsizdigin qamtamasyz etpegeni úshin «K.» aktsionerlik qoǵamynyń oblystyq filialyna aiyppul salý týraly isti qarady, dep habarlaidy Dalanews.kz.
Is qozǵaýǵa ne sebep boldy?
2025 jyldyń aqpanynda ákimshilik politsiia inspektory «eski Kúiik asýy» arqyly ótetin jol ýchaskesin teksergen. Nátijesinde qozǵalys qaýipsizdigine qatysty 13 kemshilik anyqtalyp, olardy joiý jóninde nusqama berilgen. Alaida belgilengen tártip buzýshylyqtar túzelmegen.
Sottaǵy taraptardyń ýáji
Sotta mekeme ókili kináni moiyndamai, barlyq jaýapkershilik merdiger kompaniiaǵa tiesili ekenin aityp, isti toqtatýdy surady. Al politsiia ókili bul trassada jii jol apaty bolatynyn, júrgizýshilerden shaǵym kóp túsetinin aityp, mekemeni jaýapqa tartýdy surady.
Qandai sheshim shyqty?
Sot materialdarmen tanysyp, quqyq buzýshylyqtyń oryn alǵanyn rastady. Nátijesinde «K.» AQ filialyna 500 ailyq eseptik kórsetkish kóleminde, iaǵni 1,9 million teńge aiyppul salyndy. Ruqsat qujattarynyń qoldanylýy nemese qyzmeti toqtatylǵan joq.
Sheshim zańdy kúshine endi.
