تارازدا مامانداندىرىلعان ەكٸمشٸلٸك سوت رەسپۋبليكالىق ماڭىزى بار «الماتى–تاشكەنت–تەرمەز-2» تراسساسىنداعى جول قاۋٸپسٸزدٸگٸن قامتاماسىز ەتپەگەنٸ ٷشٸن «ك.» اكتسيونەرلٸك قوعامىنىڭ وبلىستىق فيليالىنا ايىپپۇل سالۋ تۋرالى ٸستٸ قارادى, دەپ حابارلايدى Dalanews.kz.
ٸس قوزعاۋعا نە سەبەپ بولدى?
2025 جىلدىڭ اقپانىندا ەكٸمشٸلٸك پوليتسييا ينسپەكتورى «ەسكٸ كٷيٸك اسۋى» ارقىلى ٶتەتٸن جول ۋچاسكەسٸن تەكسەرگەن. نەتيجەسٸندە قوزعالىس قاۋٸپسٸزدٸگٸنە قاتىستى 13 كەمشٸلٸك انىقتالىپ, ولاردى جويۋ جٶنٸندە نۇسقاما بەرٸلگەن. الايدا بەلگٸلەنگەن تەرتٸپ بۇزۋشىلىقتار تٷزەلمەگەن.
سوتتاعى تاراپتاردىڭ ۋەجٸ
سوتتا مەكەمە ٶكٸلٸ كٸنەنٸ مويىنداماي, بارلىق جاۋاپكەرشٸلٸك مەردٸگەر كومپانيياعا تيەسٸلٸ ەكەنٸن ايتىپ, ٸستٸ توقتاتۋدى سۇرادى. ال پوليتسييا ٶكٸلٸ بۇل تراسسادا جيٸ جول اپاتى بولاتىنىن, جٷرگٸزۋشٸلەردەن شاعىم كٶپ تٷسەتٸنٸن ايتىپ, مەكەمەنٸ جاۋاپقا تارتۋدى سۇرادى.
قانداي شەشٸم شىقتى?
سوت ماتەريالدارمەن تانىسىپ, قۇقىق بۇزۋشىلىقتىڭ ورىن العانىن راستادى. نەتيجەسٸندە «ك.» اق فيليالىنا 500 ايلىق ەسەپتٸك كٶرسەتكٸش كٶلەمٸندە, ياعني 1,9 ميلليون تەڭگە ايىپپۇل سالىندى. رۇقسات قۇجاتتارىنىڭ قولدانىلۋى نەمەسە قىزمەتٸ توقتاتىلعان جوق.
شەشٸم زاڭدى كٷشٸنە ەندٸ.
