Muhtar Jákishev Instagram-daǵy paraqshasynda qazaqstandyqtarǵa eskertý jasap, óz atynan sońǵy ýaqytta "Qazatomónerkásiptiń" keibir jobalaryn, óz tehnologiialaryn, óz jobalaryn jarnamalaityn jáne úlken tabysqa kepildik bere otyryp, olarǵa aqsha salýdy usynatyn kóptegen jarnamalar paida bolǵanyn aitady, dep habarlaidy Dalanews.kz.
"Munyń bári shili ótirik, bári taza jalǵan. Mundai jarnamaǵa senip, ermeńizder. Eger bir jerde aqsha salýǵa shaqyrǵan habarlam nemese videomdy kórseńizder, ony óshirip tastańyzdar, sebebi ondaǵy adam men emes", - deidi "Qazatomónerkásiptiń" burynǵy basshysy.
Ol alaiaqtardyń óziniń internettegi kez kelgen suqbatyn qiyp alyp, jasandy intellektiniń kómegimen qajetti mátin nemese daýysty qoldanatynyn aitady.
"Biz mundai jarnamanyń túp-tórkinin tabýǵa tyrysyp kórdik, árqaisysynda árdaiym árqalai jaǵdai, birde Ispaniiadan, birde Ulybritaniiadan anyqtalady, osy alaiaqtyq shemalar úshin arnaiy ashylatyn bir kúndik kompaniialar da bolady, sondyqtan mundaiǵa ilanyp qalmańyzdar", dep úndeidi Jákishev.
Ol nyǵyrlap turyp, taǵy da bir márte óz sózin bylai naqtylaidy: "Meniń atymnan adamdardy keibir jobalarǵa nemese uiymdarǵa aqsha salýǵa shaqyratyn videolar jalǵan. Olarǵa senýdiń qajeti joq".
Buǵan deiin Qazaqstandaǵy aqparattyq keńistikte dipfeik tehnologiiasymen jasalǵan jalǵan videolardyń jańa tolqyny tarap jatqanyn eskertkenbiz. Osyndai alaiaqtyq shemaǵa QR Premer-ministriniń orynbasary – Syrtqy ister ministri Murat Nurtileý de ilingen bolatyn.
