"Qazatomónerkásip" ulttyq atom kompaniiasy" AQ jáne shveitsariialyq Axpo Power AG kompaniiasy Kernkraftwerk Leibstadt AG (KKL AG) kompaniiasymen birlesip Shveitsariiadaǵy Betsnaý jáne Leibshtadt atom elektr stantsiialary úshin qazaqstandyq tabiǵi ýran kontsentrattaryn jetkizý jónindegi alǵashqy kelisimshartqa qol qoidy, dep habarlaidy Dalanews.kz.
Qol qoiý rásimi Axpo Power AG bas keńsesinde Qazatomónerkásip delegatsiiasynyń Shveitsariiaǵa sapary aiasynda ótti.
"Biz Qazatomónerkásip pen Axpo arasyndaǵy alǵashqy kommertsiialyq kelisimshart bizdiń kompaniialarymyz úshin mańyzdy yntymaqtastyqqa jol ashatynyn maqtan tutamyz. Satý geografiiasynyń keńeiýi Qazatomónerkásiptiń álemdik naryqta ýrannyń senimdi jetkizýshisi retinde tanylýyn kórsetedi. Bul kelisimshart bizdiń taratý arnalaryn ártaraptandyrý strategiiasyndaǵy mańyzdy qadam. Ol sondai-aq energetikalyq qaýipsizdik pen dekarbonizatsiiany qamtamasyz etýde sheshýshi ról atqaryp, bizdiń áriptestigimizdi nyǵaitýǵa múmkindik beredi jáne Shveitsariianyń atom energetikasy úshin tabiǵi ýrandy uzaq merzimdi jetkizýdi qamtamasyz etedi", - dedi Qazatomónerkásiptiń kommertsiia jónindegi bas direktory Vladislav Baigýjin.
"Álemdegi eń iri ýran óndirýshi Qazatomónerkásippen kelisimshartqa qol qoiý Axpo jáne KKL AG úshin strategiialyq mańyzǵa ie, óitkeni biz otyn jetkizilimderin ártaraptandyrýdy jáne qaýipsizdikti qamtamasyz etýdi jalǵastyramyz. Atom energiiasy elimizdiń tómen kómirtekti energetikalyq strategiiasynyń negizgi elementi bolyp tabylady, sondyqtan senimdi otyn jetkizý óte mańyzdy. Qazatomónerkásipti bizdiń jetkizýshilerimizdiń qataryna qosý Shveitsariiany turaqty energiiamen qamtamasyz etý jáne dekarbonizatsiia jónindegi jahandyq kúsh-jigerge úles qosý qabiletimizdi nyǵaitady", - dep atap ótti Axpo Power AG iadrolyq otyn jónindegi basshysy doktor Brýno Tsimmermann.
Shveitsariianyń iri energetikalyq kompaniiasymen kelisimshart jasasý Qazatomónerkásiptiń Eýropa atom elektr stantsiialarynyń operatorlarymen yntymaqtastyǵynyń jańa kezeńin ashyp, kompaniianyń álemdik ýran naryǵyndaǵy ornyn nyǵaitady.
