Kúndiz kreslosyn bosatqan Álihan Smaiylov áleýmettik jelidegi parashasyna qoshtasý jazbasyn jariialady, dep habarlaidy Dalanews.kz
"Búgin Memleket basshysy Qazaqstan Respýblikasy Úkimetiniń ornynan túsýin qabyldady.
Eń aldymen, Prezident Qasym-Jomart Kemeluly Toqaevqa syndarly ýaqytta Qazaqstan Respýblikasynyń Úkimetin basqarýǵa senim bildirgeni úshin zor alǵysymdy bildiremin.
Ótken eki jyl qoǵam úshin sheshýshi kezeń boldy. Memleket basshysy jańa Ádiletti Qazaqstandy qurýǵa baǵyttalǵan asa mańyzdy saiasi jáne ekonomikalyq reformalarǵa bastamashylyq jasady", - degen eks-premer.
Ol Úkimet osy reformalardy iske asyrý jáne elimizdiń turaqty áleýmettik-ekonomikalyq damýyn qamtamasyz etý úshin qyzmet etkenin aitqan. Sonymen qatar Úkimet pen jergilikti atqarýshy organdardyń birlesken jumysynyń arqasynda birqatar nátijelerge qol jetkizilgen.
"Ótken jyldyń qorytyndysy boiynsha ekonomikanyń ósýi 5,1%-ti qurady. Barlyq negizgi sektorlar oń damý dinamikasyn kórsetti. Infliatsiia eki esege tómendetildi.
Elimizge tartylǵan tikelei sheteldik investitsiialar kólemi eki jyl qatarynan sońǵy onjyldyqtaǵy eń joǵary kórsetkishterdiń biri boldy. Onyń jyldyq kólemi 26-28 mlrd dollardy qurady.
Ulttyq qordyń aktivteri byltyr 4 mlrd dollarǵa ósip, 60 mlrd dollardan asty. Reitingtik agenttikter ulttyq ekonomikanyń táýelsiz reitingi men investitsiialyq senimdiligin rastady.
Úkimettegi barlyq áriptesterime, sondai-aq depýtattyq korpýsqa birlesken jáne nátijeli jumys úshin shyn júrekten rizashylyǵymdy bildiremin", - deidi Álihan Smaiylov.
Sondai-aq ol elimizdiń damýyna adal eńbegimen úles qosyp júrgen árbir qazaqstandyqqa alǵys aitady.
