Qazaqtelekom Qostanai oblysynyń Altynsarino aýylyn «radio kópir» symsyz tehnologiiasy boiynsha jyldamdyǵy joǵary internetke qosty. Jyldam internettiń artyqshylyqtaryn baǵalaǵan alǵashqy tutynýshylar - sý tasqynynan zardap shekken «Taza bulaq» shaǵyn aýdanynyń turǵyndary boldy, dep habarlaidy Dalanews.kz. 
Kóktemgi sý tasqyny kezinde Altynsarino aýylyndaǵy 74 turǵyn úidi sý basty. Basym kópshiligin qalpyna keltirý múmkin emes edi. Sol kezde birine oblys ortalyǵynan páter berilse, al endi biri týǵan mekeninen ketkisi kelmedi. Olarǵa 21 úi tuǵyzylyp, jańa «Taza bulaq» shaǵyn aýdany paida boldy. Munda jańa baspana ieleri úshin barlyq qolaily jaǵdai jasalǵan. Buǵan qosa Qazaqtelekom bazalyq stantsiia ornatyp, zamanaýi bailanys qyzmetterin paidalaný múmkindigin syilady.
«Kompaniia qalys qala almady. Tehnikalyq múmkindikterdi baǵalai otyryp, «radio kópir» tehnologiiasy boiynsha málimet taratýǵa qatynaý núktesin uiymdastyrýdy sheshtik. Jańa shaǵyn aýdanda ornatylǵan bazalyq stantsiia turǵyndarǵa joǵary jyldamdyqty internet qyzmetin usynady. Aldaǵy ýaqytta qamtý aýmaǵyn keńeitip, bul aýyldy tolyǵymen jyldamdyqty internetpen qamtamasyz etý josparda bar», - dep atap ótti «Qazaqtelekom» AQ JDB Qostanai QJPD direktory Saken Iskakov.
Altynsarino - Elena Shtýtstiń týyp ósken aýyly. Tobyl ózeniniń mańynda turǵandyqtan, ol sý tasqynynyń talaiyn kórgen. Biyl kóktemde onyń úiin túgeldei topan sý basty. Aýyl turǵynynyń aitýynsha, memleket zardap shekkenderdi qamqorlyqsyz qaldyrmai, kómek beretinine sengen. Alaida dál osyndai bolaryn kútpegen eken.
«Memlekettiń kómeginiń arqasynda búgin biz úlken ári barlyq jaǵdaiy jasalǵan jaily úide turyp jatyrmyz. Bizge tek jyldamdyǵy joǵary internet jetispei tur edi. Qazaqtelekomnyń arqasynda bul másele de sheshimin tapty. Biz uzaq jyldan beri kompaniia qyzmetterin paidalanyp kelemiz. Sondyqtan shaǵyn aýdanda tehnikalyq múmkindik paida bolǵanda alǵashqy bolyp qyzmetterdi qosýǵa ótinim berdik. Endi nemerelerim súiikti mýltfilmderin qarasa, al qyzym qashyqtan jumys istei alady. Otbasymyzdyń eshteńege alańdamai ómir súrýi úshin barlyǵy bar», - deidi Altynsarino aýylynyń turǵyny Elena Shtýts.
Aita keteiik, «radio kópir» boiynsha symsyz internet jelisine qatynaý – optikalyq jeli tartýdyń balama sheshimi. Búgingi kúni Qostanai oblysynda atalǵan tehnologiia boiynsha jyldamdyqty internet 19 aýyldyń turǵyndaryna usynylady.
