قازاقتەلەكوم قوستاناي وبلىسىنىڭ التىنسارينو اۋىلىن «راديو كٶپٸر» سىمسىز تەحنولوگيياسى بويىنشا جىلدامدىعى جوعارى ينتەرنەتكە قوستى. جىلدام ينتەرنەتتٸڭ ارتىقشىلىقتارىن باعالاعان العاشقى تۇتىنۋشىلار - سۋ تاسقىنىنان زارداپ شەككەن «تازا بۇلاق» شاعىن اۋدانىنىڭ تۇرعىندارى بولدى, دەپ حابارلايدى Dalanews.kz. 
كٶكتەمگٸ سۋ تاسقىنى كەزٸندە التىنسارينو اۋىلىنداعى 74 تۇرعىن ٷيدٸ سۋ باستى. باسىم كٶپشٸلٸگٸن قالپىنا كەلتٸرۋ مٷمكٸن ەمەس ەدٸ. سول كەزدە بٸرٸنە وبلىس ورتالىعىنان پەتەر بەرٸلسە, ال ەندٸ بٸرٸ تۋعان مەكەنٸنەن كەتكٸسٸ كەلمەدٸ. ولارعا 21 ٷي تۇعىزىلىپ, جاڭا «تازا بۇلاق» شاعىن اۋدانى پايدا بولدى. مۇندا جاڭا باسپانا يەلەرٸ ٷشٸن بارلىق قولايلى جاعداي جاسالعان. بۇعان قوسا قازاقتەلەكوم بازالىق ستانتسييا ورناتىپ, زاماناۋي بايلانىس قىزمەتتەرٸن پايدالانۋ مٷمكٸندٸگٸن سىيلادى.
«كومپانييا قالىس قالا المادى. تەحنيكالىق مٷمكٸندٸكتەردٸ باعالاي وتىرىپ, «راديو كٶپٸر» تەحنولوگيياسى بويىنشا مەلٸمەت تاراتۋعا قاتىناۋ نٷكتەسٸن ۇيىمداستىرۋدى شەشتٸك. جاڭا شاعىن اۋداندا ورناتىلعان بازالىق ستانتسييا تۇرعىندارعا جوعارى جىلدامدىقتى ينتەرنەت قىزمەتٸن ۇسىنادى. الداعى ۋاقىتتا قامتۋ اۋماعىن كەڭەيتٸپ, بۇل اۋىلدى تولىعىمەن جىلدامدىقتى ينتەرنەتپەن قامتاماسىز ەتۋ جوسپاردا بار», - دەپ اتاپ ٶتتٸ «قازاقتەلەكوم» اق جدب قوستاناي قجپد ديرەكتورى ساكەن يسكاكوۆ.
التىنسارينو - ەلەنا شتۋتستٸڭ تۋىپ ٶسكەن اۋىلى. توبىل ٶزەنٸنٸڭ ماڭىندا تۇرعاندىقتان, ول سۋ تاسقىنىنىڭ تالايىن كٶرگەن. بيىل كٶكتەمدە ونىڭ ٷيٸن تٷگەلدەي توپان سۋ باستى. اۋىل تۇرعىنىنىڭ ايتۋىنشا, مەملەكەت زارداپ شەككەندەردٸ قامقورلىقسىز قالدىرماي, كٶمەك بەرەتٸنٸنە سەنگەن. الايدا دەل وسىنداي بولارىن كٷتپەگەن ەكەن.
«مەملەكەتتٸڭ كٶمەگٸنٸڭ ارقاسىندا بٷگٸن بٸز ٷلكەن ەرٸ بارلىق جاعدايى جاسالعان جايلى ٷيدە تۇرىپ جاتىرمىز. بٸزگە تەك جىلدامدىعى جوعارى ينتەرنەت جەتٸسپەي تۇر ەدٸ. قازاقتەلەكومنىڭ ارقاسىندا بۇل مەسەلە دە شەشٸمٸن تاپتى. بٸز ۇزاق جىلدان بەرٸ كومپانييا قىزمەتتەرٸن پايدالانىپ كەلەمٸز. سوندىقتان شاعىن اۋداندا تەحنيكالىق مٷمكٸندٸك پايدا بولعاندا العاشقى بولىپ قىزمەتتەردٸ قوسۋعا ٶتٸنٸم بەردٸك. ەندٸ نەمەرەلەرٸم سٷيٸكتٸ مۋلتفيلمدەرٸن قاراسا, ال قىزىم قاشىقتان جۇمىس ٸستەي الادى. وتباسىمىزدىڭ ەشتەڭەگە الاڭداماي ٶمٸر سٷرۋٸ ٷشٸن بارلىعى بار», - دەيدٸ التىنسارينو اۋىلىنىڭ تۇرعىنى ەلەنا شتۋتس.
ايتا كەتەيٸك, «راديو كٶپٸر» بويىنشا سىمسىز ينتەرنەت جەلٸسٸنە قاتىناۋ – وپتيكالىق جەلٸ تارتۋدىڭ بالاما شەشٸمٸ. بٷگٸنگٸ كٷنٸ قوستاناي وبلىسىندا اتالعان تەحنولوگييا بويىنشا جىلدامدىقتى ينتەرنەت 19 اۋىلدىڭ تۇرعىندارىنا ۇسىنىلادى.
