Telefon qońyraýy arqyly aldaıtyn alaıaqtarǵa tosqaýyl qoıylmaq. Qazaqtelekom, Almaty prokýratýrasy jáne Ksell endi frod-qońyraýlarmen birlesip kúresetin bolady. Taıaýda bul týraly taraptar kelisip, tıisti memorandýmǵa qol qoıdy, dep habarlaıdy Dalanews.kz.
Aıta keteıik, Qazaqtelekom men Ksell operatorlarynyń antıfrod-júıeleriniń arqasynda qazaqstandyqtardyń uıaly telefondaryna halyqaralyq nómirlerdi aýystyra otyryp, 5 000-nan astam alaıaqtyq qońyraý soǵylǵany anyqtaldy. Osy derekterdiń negizinde Almaty prokýratýrasy ruqsat etilmegen trafıktiń kózderin anyqtady. Nátıjesinde alaıaqtyq qońyraýlardy uıymdastyrýǵa arnalǵan 4 SIM-box jabdyǵy tabyldy.
«Qazaqtelekom Qazaqstandaǵy iri baılanys operatorlarynyń biri retinde telefon alaıaqtyǵymen belsendi kúres júrgizýde. Kompanıada arnaıy Qazaqtelekom úshin ázirlengen antıfrod júıesi ornatylǵan. Osy jyldyń 11 aıynda antıfrod-is-sharalar sheńberinde Qazaqtelekom jelisinde 5 mln-nan astam alaıaqtyq sıpattaǵy qońyraýlar buǵattaldy. Frod ınsıdentterdi pysyqtaý maqsatynda 24/7 tártibinde táýlik boıy jumysty toqtatpaıdy. Alaıaqtardyń is-áreketinen zardap shekken abonent týraly aqparat alǵan kezde trafıkke taldaý jasalady, antıfrod júıesine mundaı qylmystyń qaıtalanýyn boldyrmaý úshin buǵattaý úshin jańa erejeler dereý qoıylady», - dep atap ótti«Qazaqtelekom» AQ Aqparattyq qaýipsizdik jónindegi basqarýshy dırektory Dmıtrıı Tyrtyshnyı.
IP jáne SIP telefonıasyn paıdalanyp, Qazaqstannan tysjerden shabýyl jasaıtyn alaıaqtar endi Qazaqstan azamattarynyńqalalyq nómirlerine habarlasa almaıdy. Arnaıy júıe olardyńqońyraýlaryn tanıdy jáne buǵattap tastaıdy, bul telefon arqylyalaıaqtyq deńgeıin tómendetip qana qoımaı, olardy tolyǵymen toqtatýǵa múmkindik berdi. Byltyr alaıaqtardyń áreketinen 900-den astam azamat zardap shegip, jalpy shyǵyn 1,9 mlrd. teńgeni qurasa, endi júıe engizilgen sátten bastap olar elimizdiń birde-bir turǵynyn aldaı almady.
«Qazaqtelekom óz jelisindegi qońyraýlardy buǵattap qana qoımaı, qońyraýlardyń kózin anyqtaý maqsatynda halyqaralyq operatorlarmen belsendi jumys júrgizýde. Bul Baltyq elderi, Gonkong, Kıpr, Ulybrıtanıada tirkelgen, biraq qyzmetkerleri men basshylary TMD elderiniń azamattary bolyp tabylatyn shaǵyntranzıttik operatorlar», - dep qorytyndylady Dmıtrıı Tyrtyshnyı.
Operatorlar alaıaqtyq telefon qońyraýlaryn buǵattaıbastaǵandyqtan, endi qylmyskerler WhatsApp jáne Telegrammobıldi qosymshalarynyń múmkindikterin paıdalana bastady, osy messendjerlerdiń kómegimen olar ańqaý azamattarǵa qońyraýshalýda.
