تەلەفون قوڭىراۋى ارقىلى الدايتىن الاياقتارعا توسقاۋىل قويىلماق. قازاقتەلەكوم، الماتى پروكۋراتۋراسى جانە كسەلل ەندى فرود-قوڭىراۋلارمەن بىرلەسىپ كۇرەسەتىن بولادى. تاياۋدا بۇل تۋرالى تاراپتار كەلىسىپ، ءتيىستى مەموراندۋمعا قول قويدى، دەپ حابارلايدى Dalanews.kz.
ايتا كەتەيىك، قازاقتەلەكوم مەن كسەلل وپەراتورلارىنىڭ انتيفرود-جۇيەلەرىءنىڭ ارقاسىندا قازاقستاندىقتاردىڭ ۇيالى تەلەفوندارىنا حالىقارالىق نومىرلەردى اۋىستىرا وتىرىپ، 5 000-نان استام الاياقتىق قوڭىراۋ سوعىلعانى انىقتالدى. وسى دەرەكتەردىڭ نەگىزىندە الماتى پروكۋراتۋراسى رۇقسات ەتىلمەگەن ترافيكتىڭ كوزدەرىن انىقتادى. ناتيجەسىندە الاياقتىق قوڭىراۋلاردى ۇيىمداستىرۋعا ارنالعان 4 SIM-box جابدىعى تابىلدى.
«قازاقتەلەكوم قازاقستانداعى ءىرى بايلانىس وپەراتورلارىنىڭ ءبىرى رەتىندە تەلەفون الاياقتىعىمەن بەلسەندى كۇرەس جۇرگىزۋدە. كومپانيادا ارنايى قازاقتەلەكوم ءۇشىن ازىرلەنگەن انتيفرود جۇيەسى ورناتىلعان. وسى جىلدىڭ 11 ايىندا ءانتيفرود-ىس-شارالار شەڭبەرىندە قازاقتەلەكوم جەلىسىندە 5 ملن-نان استام الاياقتىق سيپاتتاعى قوڭىراۋلار بۇعاتتالدى. فرود ينسيدەنتتەردى پىسىقتاۋ ماقساتىندا 24/7 تارتىبىندە تاۋلىك بويى جۇمىستى توقتاتپايدى. الاياقتاردىڭ ىس-ارەكەتىنەن زارداپ شەككەن ابونەنت تۋرالى اقپارات العان كەزدە ترافيككە تالداۋ جاسالادى، انتيفرود جۇيەسىنە مۇنداي قىلمىستىڭ قايتالانۋىن بولدىرماۋ ءۇشىن بۇعاتتاۋ ءۇشىن جاڭا ەرەجەلەر دەرەۋ قويىلادى»، - دەپ اتاپ ءوتتى«قازاقتەلەكوم» اق اقپاراتتىق قاۋىپسىزدىك جونىندەگى باسقارۋشى ديرەكتورى دميتريي تىرتىشنىي.
IP جانە SIP تەلەفونياسىن پايدالانىپ، قازاقستاننان تىسجەردەن شابۋىل جاسايتىن الاياقتار ەندى قازاقستان ازاماتتارىنىڭقالالىق نومىرلەرىنە حابارلاسا المايدى. ارنايى جۇيە ولاردىڭقوڭىراۋلارىن تانيدى جانە بۇعاتتاپ تاستايدى، بۇل تەلەفون ارقىلىالاياقتىق دەڭگەيىن تومەندەتىپ قانا قويماي، ولاردى تولىعىمەن توقتاتۋعا مۇمكىندىك بەردى. بىلتىر الاياقتاردىڭ ارەكەتىنەن 900-دەن استام ازامات زارداپ شەگىپ، جالپى شىعىن 1،9 ملرد. تەڭگەنى قۇراسا، ەندى جۇيە ەنگىزىلگەن ساتتەن باستاپ ولار ەلىمىزدىڭ بىردە-بىر تۇرعىنىن الداي المادى.
«قازاقتەلەكوم ءوز جەلىسىندەگى قوڭىراۋلاردى بۇعاتتاپ قانا قويماي، قوڭىراۋلاردىڭ كوزىن انىقتاۋ ماقساتىندا حالىقارالىق وپەراتورلارمەن بەلسەندى جۇمىس جۇرگىزۋدە. بۇل بالتىق ەلدەرى، گونكونگ، كيپر، ۇلىبريتانيادا تىركەلگەن، ءبىراق قىزمەتكەرلەرى مەن باسشىلارى تمد ەلدەرىنىڭ ازاماتتارى بولىپ تابىلاتىن شاعىنترانزيتتىك وپەراتورلار»، - دەپ قورىتىندىلادى دميتريي تىرتىشنىي.
وپەراتورلار الاياقتىق تەلەفون قوڭىراۋلارىن بۇعاتتايباستاعاندىقتان، ەندى قىلمىسكەرلەر WhatsApp جانە Telegramءموبيلدى قوسىمشالارىنىڭ مۇمكىندىكتەرىن پايدالانا باستادى، وسى مەسسەندجەرلەردىڭ كومەگىمەن ولار اڭقاۋ ازاماتتارعا قوڭىراۋشالۋدا.
