Iri telekom-operator qoldanystaǵy jelini ADSL tehnologiiasynan GPON-ǵa almastyryp, odan bólek jańa jeli tóseý esebinen respýblika boiynsha óziniń jelilik infraqurylymyn damytýda.
Máselen, búgin «Qazaqtelekom» basshysy Baǵdat Mýsin Jambyl oblysyna jumys sapary barysynda abonentterdi mystan optikaǵa kóshirip, sondai-aq óńirde jańa talshyqty-optikalyq jeli tóseý jumystarynyń barysymen tanysty.
Ózderińiz biletindei, sońǵy eki jyl boiy kompaniia klientterdi eskirgen tehnologiiadan zamanaýi jelige kóshiretin – «Tazartý» arnaiy baǵdarlamasyn kezeń-kezeńimen iske asyryp keledi. Osy ýaqyt ishinde respýblika boiynsha «Qazaqtelekom» óziniń 140 myńǵa jýyq abonentin mystan optikaǵa aýystyrdy, al Kýrchatov pen Stepnogorsk syndy eki qala tolyǵymen optikalyq boldy.
Biyl telekom-operator aýdan ortalyqtary men aýyldardaǵy klientterdi kóshire bastady, ADSL-den 60 myńnan astam úi sharýashylyǵyn GPON-ǵa aýystyrý josparda bar. Jambyl oblysyndaǵy osyndai mysaldardyń biri Baýyrjan Momyshuly aýyly boldy, buǵan deiin munda internetke qoljetimdilik ótkizý qabileti tómen mys tehnologiiasymen shektelgen bolatyn.
«Abonentterdi zamanaýi talshyqty-optikalyq tehnologiiaǵa kóshirý kompaniia damýynyń strategiialyq mindetteriniń biri bolyp tabylady. Biz osy aýqymdy jobany búkil Qazaqstan boiynsha jalǵastyryp, jelini jańǵyrtý jáne damytý baǵdarlamasy aiasynda shamamen 54 myń shaqyrym mys jelisin aýystyrmaqpyz. Bul turǵylyqty jerine qaramastan barlyq qazaqstandyqqa telekommýnikatsiialyq qyzmet pen tsifrlyq servisterdiń barlyq spektrin usynyp qana qoimai, qyzmet sapasyn arttyryp, aryz-shaǵym sanyn azaitýǵa múmkindik beredi, óitkeni kompaniiaǵa azamattardan kelip túsken ótinishterdiń kópshiligi mys tehnologiiasymen qosylǵan internetke qatysty», - dep atap ótti «Qazaqtelekom» AQ Basqarma tóraǵasy Baǵdat Mýsin.
Baýyrjan Momyshuly aýylynda kompaniia mamandary búginde birneshe júz turǵyndy optikalyq jelige aýystyrdy. Jalpy, Jambyl oblysynda jyl basynan beri 2 000-nan astam otbasy, al el boiynsha 17 myńnan astam otbasy «mystan» «optikaǵa» kóshti. Jyl sońyna deiin telekom-operator taǵy 46 myń úi sharýashylyǵynda osylai jelini jańartýdy kózdep otyr.
«Mys tehnologiiasynan 100% bas tartý úshin jergilikti jerdiń relefi, magistraldyq jeliden qashyqtyǵy sekildi kóptegen faktorlarǵa bailanysty ártúrli tehnikalyq sheshimder ázirlenýde. Baýyrjan Momyshuly aýyly kompaniianyń ádettegi resýrsyn paidalanyp, jańa optikalyq jeli salynǵan jáne klientterdi rekordtyq merzimde «optikaǵa» kóshirý bastalǵan alǵashqy eldi meken boldy. Taldaýdan bastap alǵashqy qosylymdarǵa deiingi búkil protsesske bir aidan astam ýaqyt ketken. Nátijesinde biz jańa ádisterdiń synaqtan sátti ótkenin kórip otyrmyz jáne osy tájiribeni basqa aýdan ortalyqtarynda paidalanamyz», - dedi «Qazaqtelekom» AQ «Jeli» diviziony» birlestiginiń Bas direktory Samat Týǵanbaev.
Endi ADSL-den GPON-ǵa aýysqan qazaqstandyqtar joǵary jyldamdyqty internetti jáne «optika» boiynsha qoljetimdi qyzmetterdiń tolyq spektri: TV+ servisin, IP-telefoniia men tsifrlyq televiziianyń qyzyǵyn kóre alady. Sonymen qatar, derekterdiń sapasy men jyldamdyǵy úlken júkteme kezinde de joǵary bolyp qalady.
Aita keteiik, abonentterdiń mystan optikaǵa kóshýinen basqa, «Qazaqtelekom» respýblika boiynsha jańa GPON jelisin aýylda da salýdy jalǵastyrýda. Jyl sońyna deiin Jambyl oblysynda Qordai jáne Sarykemer aýyldaryndaǵy 400-ge jýyq úidi optikalyq jelige qosý josparlanǵan. Sonymen qatar, Sarykemerde 38 kóppáterli úidiń qurylysy bastaldy, onda telekommýnikatsiia operatory optikalyq bailanys jelisin salyp, jańa qonystanýshylarǵa joǵary jyldamdyqty internet usynbaq. Sonymen qatar, jyl basynan beri telekommýnikatsiia operatory Tarazdaǵy 14 jańa qurylysty «optikaǵa» qosty, al jyl sońyna deiin GPON tehnologiiasy boiynsha qalanyń taǵy 87 kópqabatty úii men 3400-den astam jer úige internet ótkizýdi josparlap otyr.
«Qazaqtelekom» AQ Kommýnikatsiialar departamenti
