Qazaqtelekom «Tazartý» jobasy aıasynda tutynýshylaryn eskirgen mys jelilerinen joǵary jyldamdyqqa ıe optıkalyq jelilerge aýystyryp jatyr.Bul jańǵyrtý tek qalalarda emes, Atyraý oblysynyń aýyldarynda da júzege asyrylyp jatyr, dep habarlaıdy Dalanews.kz.
Jelilik ınfraqurylymdy jańǵyrtý Almaly aýyly men Aqjar kentine de jetti. «Tazartý» baǵdarlamasy boıynsha jyl basynan beri óńirde 2000-nan astam klıent «optıkalyq» jelige qaıta qosyldy jáne jyl sońyna deıin taǵy 1000 paıdalanýshy aýystyrylady.
Atyraý oblysynda «Tazartý» iske qosylǵan sátten bastap, 6 myńnan astam paıdalanýshy talshyqty jelige aýystyryldy. Klıentter derekterdi jiberýdiń joǵary jyldamdyǵy, ótkizý qabilettiligi jáne sıgnaldyń senimdiligi úshin zamanaýı «optıkaǵa» aýysady. ADSL tehnologıasy boıynsha Internetke qatynaýdyń maksımaldy jyldamdyǵy sekýndyna 8 Mbıt-qa deıin bolsa, GPON tehnologıasy boıynsha 500 Mbıt/s-qa deıin jetedi.
Mys jelilerinen aýysqan klıentterge talshyqty jeli jańa múmkindikteri ashylady: ınternettiń joǵary jyldmadyǵynan bastap Full-HD formatty sıfrlyq teledıdarǵa deıin jáne birden birneshe qurylǵyny qosqanda da derekter taratý sol qalpynda joǵary jyldamdyty saqtap turady.
Sonymen qatar talshyqty - optıkalyq baılanys jelileri elektromagnıttyq kedergilerge sırek ushyraıdy. Ótken jyly Kýrchatov pen Stepnogorsk qalalarynda 100% «optıkaǵa» kóshirilgennen keıin birde-bir kabeldiń zaqymdanýy tirkelmegen. Sondaı-aq klıentter tarapynan da shaǵymdar túspegen.
«Tazartý» jobasy boıynsha «mystan» talshyqtyq jelilerge aýystyrý servıs pen qyzmetterdiń sapasyn arttyrýǵa baǵyttalǵan. Bolashaqta mys jelilerin paıdalanýdan tolyq shyǵyp, óńirdegi telekomýnıkasıalyq ınfraqurylymdy birkelki jańǵyrtýǵa kúsh jumyldyramyz. Jyl sońyna deıin Atyraý óńirinińdegi qosymsha 1000 turǵyndy «optıkaǵa» aýystyramyz», - deıdi «Qazaqtelekom» AQ Atyraý qatynaý jelisin paıdalaný departamentigiń dırektory Tańatar Ismaǵambetov.
Atyraý oblysyndaǵy klıentterdi «mystan» «optıkaǵa» aýystyrý tek qalada ǵana emes, aýyldy eldi mekenderde de ótkiziledi. Máselen, Almaly aýylynda optıkalyq jeliler qurylysy aıaqtalǵannan keıin jyl basynan beri 160-tan astam klıent zamanaýı jelige kóshirildi. Jeke úılermen birge «optıkaǵa» aýyl ákimdigi, «Qazposhta» ǵımaraty, mektep jáne medısınalyq mekemeler aýystyryldy. Budan keıin Aqjar kentinde qurylys jumystary men klıentterdi qaıta qosý belsendi júrgizilýde. Jyl sońyna deıin kompanıa mamandary ADSL-den GPON-ǵa 450-den astam klıentti aýystyrýdy josparlap otyr.
