Qazaqtarǵa til tigizgen Alika Muhamadievanyń isi sotqa tústi, dep habarlaidy Dalanews.kz.
Muhamadievaǵa Qylmystyq kodekstiń 174-baby 1-bóligi boiynsha aiyp taǵylǵan. Bul bap – ulttyq, áleýmettik nemese dini alaýyzdyqty qozdyrýǵa qatysty.
30 qyrkúiekte aýdan prokýrory isti sotqa joldaǵan. Sýdia materialdardy qarap, basty sot otyrysyn taǵaiyndady.
Negizgi sot tyńdaýy 14 qazan 2025 jyly saǵat 10:30-da Qaraǵandy qalasynda ótedi. Is ashyq formatta qaralady.
Qosymsha derekter:
- Tergeý barysynda zań buzýshylyqtar anyqtalmaǵan.
- Aiyptalýshynyń advokaty sotqa qatysady.
- Memlekettik aiyptaýdy prokýror qoldaidy, sonymen birge kýágerler de shaqyrylady.
- Sot tili – orys tili bolyp belgilendi.
Eske salaiyq, Alika Muhamadieva áleýmettik jelidegi jazbasynan keiin kópshilik tarapynan synǵa ushyrap, is qoǵamda úlken talqylaý týdyrǵan bolatyn. Ol Threads áleýmettik jelisinde jazbaǵa qaldyrǵan pikirinde qazaqtar men musylmandarǵa til tigizgen qyz ustaldy. Keiin ol ultaralyq arazdyq týdyrdy degen kúdikpen eki aiǵa qamaýǵa alyndy.
