Qazaqtardy basqarý týraly kitap satylymnan alynyp tastaldy, - dep habarlaidy Dalanews.kz.
Bul týraly AmalBooks baspasynyń negizin qalaýshy, baspager Baqytjan Buqarbai instagram-paraqshasynda aitty. Onyń sózinshe, "Kak ýpravliat kazahami?" kitaby búkil satý núktesinen alynyp tastalǵan.
"Qurmetti qazaq eli, búgin tańǵy 9:00-den 12:00-ge deiin "Kompos" janarmai beketterine baryp, ózim jeke sol jerde boldym. Videony kórip kelgen janashyr aǵaiyndarymyz, baýyrlarymyz, aǵalarymyz bar, árqaisysymen jeke-jeke osy ýaqyt aralyǵynda kezdesip, maqsat-múddelerin túsindirip, jetkizip aittym. Biraq kitap shyǵaratyn baspager bolǵan soń biz keri bailanyspen de jumys isteýimiz kerek jáne eshqashan biz ózimizdi halyqtan biik qoiǵan joqpyz. Sonda kelýshilerdiń pikirin, keri bailanysyn tyńdap otyrsaq, olarǵa unamaǵany muqaba bolyp tur. Birden kitaptyń mazmunyn túsinbei qalasyń deidi. "Myna jazylǵan, sen aityp otyrǵan nárseler durys ta shyǵar, biraq myna muqaba sony ashpaidy, sondyqtan osyndai reaktsiiamyz bolyp jatyr" dep aitty. Sondyqtan biz búgin búkil satý núktelerinen bul kitapty túgel alyp tastadyq. Qazir eshbir jerde bul kitap satylymda joq", - dedi baspager.
Eske salaiyq, "Qazaqtardy qalai basqarý kerek?" atty kitap jelide daý týdyrǵan bolatyn.
Kitap dúken sórelerinde satylyp turǵany jaily belgili bloger, media prodiýser Nurqoja Ersaiyn aitty.
"Dostar, mynaý ne endi? Qarańyzdarshy. Týra Almatynyń tórinde "Kak ýpravliat kazahami?" degen kitapty qoiyp qoiypty. Kitaptyń qysqasha tarihyn aityp bereiin. Bul bárine belgili kitap. Ivan Kirillov degen ońbaǵan kisi 1734 jyly shyǵarǵan, iaǵni qazaqtar jońǵarlardyń áserinen quldyrap, Reseige qosyla bastaǵan kezde Ivan Kirillov degen adam osy kitapty jazyp shyqqan. Muny syrtynyń ózinde jazyp qoiǵan. Qazaq pen qyrǵyz rýlaryn bir-birinen bólý, ajyratý arqyly olardy baǵyndyryp, olardy tize búktirip, Reseige baǵyndyrýdyń tikelei nusqaýlyǵy. Sol kitap endi satylyp jatyr. Sýretinde de bir han orys ofitserleriniń aldynda bas iip, baǵynyp jatyr", - deidi bloger.
Dizainer, sáýletshi Elzat Muqashevtiń sózinshe, kitapty sóreden kórgen adamdar ony sýretke túsirip, mazaq etkendei bolǵan.
"Osyny satýǵa ruqsat bergen adamnyń namysy bar ma degen suraq týady", - deidi Muqashev.
Nurqoja Ersaiynnyń sózinshe, kitap týrister kóp toqtaityn janarmai quiý beketiniń dúkeninde satylyp turǵan.
