Qazaqstannyń munai-gaz salasynda shamamen 65 myń adam jumys isteidi, al olardyń ortasha ailyq jalaqysy 1,2 mln teńgeni quraidy, dep habarlaidy dalanews.kz.
Bul týraly Ortalyq kommýnikatsiialar qyzmetinde ótken baspasóz máslihatynda Energetika vitse-ministri Erlan Aqbarov málimdedi.
Onyń aitýynsha, kómirsýtekterdi barlaý jáne óndirý salasy elimizdegi eń joǵary jalaqy tólenetin salalardyń biri bolyp sanalady.
Sondai-aq vitse-ministrdiń málimetinshe, 2025 jyldyń qorytyndysy boiynsha munai-gaz salasyna kadr daiarlaýǵa 18,7 mlrd teńge bólingen. Budan bólek, ǵylymi-zertteý jáne tájiribelik-konstrýktorlyq jumystarǵa 10,1 mlrd teńge baǵyttalsa, óńirlerdiń áleýmettik-ekonomikalyq damýyna 45,5 mlrd teńge qarastyrylǵan.
Energetika ministrliginiń málimetinshe, bul qarajat salanyń kadrlyq áleýetin nyǵaitýǵa, ǵylymi zertteýlerdi damytýǵa jáne munai-gaz óndiretin óńirlerdiń áleýmettik infraqurylymyn qoldaýǵa jumsalǵan.
