Katarlyq Power International Holding (PIH) holdingine tiesili "Mobail Telekom-Servis" kompaniiasy (Tele2 jáne Altel) Kcell-den 27 mlrd teńge óndirip alýdy talap etip otyr. Al Kcell qarsy talap qoiyp, shamamen 3 mlrd teńge suraǵan. Bul týraly "Qazaqtelekomnyń" qarjylai esebi málimdedi, dep habarlaidy dalanews.kz.
Sot daýy eki kompaniia buǵan deiin birlesip júzege asyrǵan telekommýnikatsiialyq infraqurylym salý jobasyna qatysty. Atalǵan joba "Mobail Telekom-Servis" kompaniiasy katarlyq investorǵa satylǵanǵa deiin bastalǵan.
2023–2024 jyldary Kcell 2022 jyly júzege aspai qalǵan jobaǵa bailanysty "Mobail Telekom-Servisten" ótemaqy men aiyppul óndirip alýǵa áreket jasaǵan. Keiin, 2025 jyly taraptar ózara kelisimge kelip, sol kezdegi daýdy rettegen.
Alaida 2026 jyldyń aqpanynda PIH baqylaýyna ótken "Mobail Telekom-Servis" Kcell-ge qarsy qaitadan sotqa júgindi. Kompaniia Kcell-den 27 mlrd teńge kóleminde aiyppul óndirip alýdy talap etken.
Buǵan jaýap retinde Kcell naýryz aiynda shamamen 3 mlrd teńgege qarsy talap aryz bergen.
Qazirgi ýaqytta eki kompaniia arasyndaǵy sot protsesi jalǵasyp jatyr. Taraptardyń talaptary boiynsha ázirge túpkilikti sheshim shyǵarylǵan joq.
Aita keteiik, "Qazaqtelekom" Tele2 jáne Altel brendterin basqaratyn "Mobail Telekom-Servis" kompaniiasyn 2024 jyly katarlyq Power International Holding holdingine satqan. Al Kcell "Qazaqtelekom" tobynyń quramynda qaldy.
