Qazaqstan Qashaǵan ken ornyn igerýge jaýapty halyqaralyq munai kompaniiasyna ótemaqy somasyn 150 milliard dollarǵa arttyrǵan, - dep habarlaidy Dalanews.kz bloomberg.com derekterine siltep.
Basylym málimetinshe, Qashaǵan úshin 2010 jyldan 2018 jylǵa deiingi jáne Qarashyǵanaq úshin 2010 jyldan 2019 jylǵa deiingi kezeń qamtylǵan.
Buǵan deiin QR Úkimeti Qashaǵan ken ornyndaǵy ekologiialyq zańbuzýshylyqtar úshin North Caspian Operating kompaniiasyn jaýapkershilikke tartýdy talap etip, sotqa júgingen bolatyn.
Bloomberg aqparaty boiynsha Qazaqstan osylaisha Qashaǵan munai ken ornyn igerip jatqan sheteldik kompaniialardan óndirip alýǵa tyrysatyn somany qaita qarady. Buǵan deiin Qashaǵan operatory NCOC kompaniiasynan 15 milliard dollar talap etilgen bolatyn, biraq endi ony taǵy 138 milliard dollarǵa ulǵaitty.
Basylym "Qazaqstan biligi munai óndirý jobalarynan barynsha paida alýǵa tyrysady" dep keltirgen.
Al Eni, Shell, Exxon, TotalEnergies SE Qashaǵanǵa shamamen 55 milliard dollar investitsiialady, qazir ken ornynda táýligine 400 myń barrel munai óndiriledi. Qashaǵandaǵy óndiristi tabiǵi jaǵdailar, tehnikalyq problemalar qiyndatady, biraq italiialyq Eni bastaǵan NCOC investorlary ony táýligine 1,5 million barrel deńgeiine jetkizýge bolatynyna senimdi.
Sonymen qatar, NCOC korporatsiiasy kelisimshartqa sáikes áreket etetinin málimdedi. Al Eni ókilderi Qazaqstan biligi sotqa júgingenin rastady.
