Qazaqstannyń ornyqtylyq qory 70 mlrd teńgeniń obligatsiialaryn ótedi
2019 jylǵy 26 qyrkúiekte jyldyq kýpondyq kiristiligi 8,5% bolatyn 70 mlrd teńge somasyndaǵy obligatsiialar ainalymǵa shyǵarylǵan bolatyn. Baǵaly qaǵazdar ekinshi deńgeili bankter, saqtandyrý kompaniialary, aktivterdi basqarý qorlary men brokerlik uiymdar arasynda satyldy.
Bul aǵymdaǵy qarjy jylyndaǵy tórtinshi kýpondyq tólem ekenin aita ketý kerek. Al Qazaqstan qor birjasynda tirkelgen sátten bastap QOQ ótegen obligatsiialardyń jalpy somasy 220 mlrd teńgege jetti.
Qazirgi ýaqytta QOQ portfeli memlekettik baǵaly qaǵazdar qorjynyna kiretin bir, eki, úsh, bes, jeti jáne on jyldyq obligatsiialardan turady. QOQ obligatsiialardy «7-20-25» ipotekalyq baǵdarlamasyn qarjylandyrý maqsatynda shyǵarady.
QOQ Qazaqstan Respýblikasy Ulttyq Bankiniń enshiles uiymy jáne «7-20-25» ipotekalyq baǵdarlamasynyń operatory bolyp tabylady.
